Yahya 8:21 - Alkitab Duri

²¹ Nakua pole' omo Puang Isa lako tobuda, “La malena' ammilannangahna', apa la mate tangdidampangan kamu'. Na ia to la kunii male, te'da mikullei ratu lako.”

Yahya 8:21 ပူးပေါင်းရင်းမြစ်များ

Kada Bulawan 11:7

Ia ke matemi to togaja', cappa' todami to apa narannuan, na te'da toomo bua'na to ewanan napattuan.

Kada Bulawan 14:32

Ia to togaja' lanynya', napubua' panggaukan gaja'na, apa ia to tomakassing nalendungngi kamarurusan penawanna.

Matius 23:39

La miingaran! Mammula tee too te'damo milangkitana' sanggenna mikua, ‘Dibarakka'i to toratu mpusanga sangan-Na Puang!’ ”

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Matius 25:46

Ia tuu lako tau susi joo la disessa te'da cappa'na, apa ia to tompugauk pakkaeloran-Na Puang Allataala la diben katuoan melo te'da cappa'na.”

Yahya 12:33

Iamo namangkada susi joo, sanga napangpeissenanni matumbai carana la mate.

Yahya 12:35

Mebalimi Puang Isa nakua, “Cingga'tu'mora tee Aku' arrang ssolan kamu'. Jaji lumingkamo kamu' ke sola unapa kamu' tee arrang, danggi' mikalillinan. Ia to tolumingka lan kamalillinan, te'da naissenni umbora la nanii male.

Yahya 13:33

Oo anak-Ku' sola ngasan. Te'damo kumasai torro ssolan kamu'. La miangahna', apa susi to mangka kupauan pekaamberan to-Yahudi, na moi kamu' kupauan toomo kumua ia to kunii male, te'da mikullei ratu lako.

Yahya 7:34

La miangahna', apa te'da mikullei nnampa'na', nasaba' te'da mikullei ratu lako to kunii.”

Yahya 7:36

Apara battuananna tee kada napau kumua, ‘La miangahna', apa te'da mikullei nnampa'na', nasaba' te'da mikullei ratu lako to kunii?’ ”

Yahya 8:24

Iamo joo kukuan kamu' kumua, la mate tangdidampangan kamu'. Na la mate tangdidampangan kamu', nasaba' te'da mikatappa'i to kadang-Ku' mpamanassai kumua, ‘Aku'mo to disanga DENNA'.’ ”

Efesus 2:1

Ia tonna jolona susi kamu' tomate, te'da miampui katuoan baru jio mai Puang Allataala, natumang kedo gaja'mi sola dosami.