Yahya 8:20 - Alkitab Duri

²⁰ Ia tee kada napau Puang Isa tonna mangngajahhi jio rante Bola Puang Allataala sikandoppi' patti doi' sudakka. Apa moi mesa' tau te'da njokkoi, nasaba' te'dapa nadete'i wattunna.

Yahya 8:20 ပူးပေါင်းရင်းမြစ်များ

Matius 26:55

Mangkai joo too nakuamo Puang Isa lako joo tobuda, “Misangaraka parampo'na', ammiratu sitakin pa'dang sola mbawa tarasulu' la njokkona'? Allo-allona' mangngajahhi jio Bola Puang Allataala na te'da mijokkona'.

Matius 27:6

Naalami kapala imang joo doi' pera' namangkada nakua, “Ia tee doi' te'da nawa'ding dipatama kasna Bola Puang Allataala situru' atoran agama, nasaba' ia tee doi' direken alli rara, battuananna mangkamo dipake ngka'tu sunga'na tau.”

Markus 12:41

Ia tonna cumadokko sioloan patti doi' sudakka to Puang Isa lan Bola Puang Allataala, nakita rampa' tee mai tau ke mpatamai doi'na. Buda tosugih mpatama sibuda doi'.

Markus 12:43

Natambaimi Puang Isa to anak gurun-Na nakuanni, “La miingaran! Sitonganna ia joo baine kaasi-asi, la'bih buda ia to napatama, na ia to napatama tuu lako tau sola ngasan.

Lukas 20:19

Naissen guru agama sola kapala imang kumua iara napapatui joo kadan-Na Puang Isa. Iamo joo napengkulle-kulleimi la njokkoi, apa malaja'i lako tobuda.

Lukas 21:1

Nakitami Puang Isa to tosugih mpatama sudakkana tama patti doi' sudakka lan Bola Puang Allataala.

Yahya 10:39

Nadadu' unapi to tau la njokko Puang Isa, apa mpella'paranni kalena.

Yahya 2:4

Mebalii Puang Isa nakua, “Oo indo', danggi'pa suana'. Te'dapa nadete'i wattung-Ku' la mpangpeissenan kale-Ku'.”

Yahya 7:14

Ia tonna pirang-pirang allomo joo pangramean, malemi Puang Isa lako rante Bola Puang Allataala namangngajahhi.

Yahya 7:30

Ia joo wattu den tau pada nnangah lalan la njokkoi, apa moi mesa' tau te'da barani njokkoi, nasaba' te'dapa nadete'i wattunna.

Yahya 7:44

Ba'tu pira-pira to tau madoang njokkoi, apa moi mesa' tau te'da barani.

Yahya 7:8

Jolomo kamu' male lako joo pangramean, te'da kulamale, sanga te'dapa nadete'i wattung-Ku'.”

Yahya 8:2

Ia tonna makale'mo, male pole'i lako rante Bola Puang Allataala na buda tau ratu sirempun. Nacumadokko Puang Isa napamulai nnajahhi tobuda.

Yahya 8:59

Ia tonna sa'dingngi to-Yahudi joo kadan-Na, pada nnalai batu la nalekkosanni samate-Na, apa membunii Puang Isa, namane' male ssalai Bola Puang Allataala.