Yahya 8:2 - Alkitab Duri

² Ia tonna makale'mo, male pole'i lako rante Bola Puang Allataala na buda tau ratu sirempun. Nacumadokko Puang Isa napamulai nnajahhi tobuda.

Yahya 8:2 ပူးပေါင်းရင်းမြစ်များ

Matius 26:55

Mangkai joo too nakuamo Puang Isa lako joo tobuda, “Misangaraka parampo'na', ammiratu sitakin pa'dang sola mbawa tarasulu' la njokkona'? Allo-allona' mangngajahhi jio Bola Puang Allataala na te'da mijokkona'.

Lukas 21:37

Ia to Puang Isa, ia ke alloi mangngajahhi jio Bola Puang Allataala, na ia ke bongii malei de' Buntu Zaitun namangbongi jao.

Lukas 21:38

Ia ke melambi', ratu ngasanmi to tau mpesa'dingngi Puang Isa mangngajahhi jio Bola Puang Allataala.

Lukas 4:20

Mangkai joo too nalulun pole'mi joo sura' napapolei lako to tonnannai, nacumadokko la mangngajahhi. Mengkita ngasanni to tau lako Puang Isa lan bola passambajangan.

Lukas 5:3

Endekki to Puang Isa de' lopinna Simon, napeta'dai anna bisei ci'di' jio mai randan tasik. Mangkai joo too cumadokkomi lan lopi nnajahhi tobuda.

Yahya 4:34

Nakua omo Puang Isa, “Ia to kande-Ku', iamo to nturu' pakkaeloran-Na Puang Allataala angkumangkai tooi to jaman nasuanna'.

Yahya 8:20

Ia tee kada napau Puang Isa tonna mangngajahhi jio rante Bola Puang Allataala sikandoppi' patti doi' sudakka. Apa moi mesa' tau te'da njokkoi, nasaba' te'dapa nadete'i wattunna.

Yahya 8:3

Ia joo wattu, ratumi to guru agama sola to-Farisi ssolan mesa' baine, to naampa' manggauk sala. Nasuai ke'deh lan tangnga tobuda,

Jamanna Rasulu' 5:21

Naturu'i joo kadanna, na masawanna melambi' mentamami Bola Puang Allataala mangngajahhi. Ia joo wattu ia to Imang Lompo sola taunna mpangpesuanni nasirempun to Pangbicara Agama, iamo to sininna pekaamberan agama sola pekaamberan to-Israel. Napangpesuanni to rasulu' nadipasun lan mai pangtarungkuan, nadibawa ratu mangngolo.