Yahya 8:17 - Alkitab Duri

¹⁷ Den diuki' lan sura'na Nabi Musa, kumua, ‘Ianna den dua tompangben kasa'bian sangrupa, wa'ding ditarima joo kasa'bianna.’

Yahya 8:17 ပူးပေါင်းရင်းမြစ်များ

Matius 18:16

Apa ia ke te'da natarimai to pangpakainga'mu, ssolanko mesa' ba'tu dua tau lako. Nasaba' den diuki' lan Sura' Allataala, ‘Iapi nawa'ding dira'tah kara-karana to tau ke denni dua ba'tu tallu sa'bi.’

Yahya 10:34

Nakua Puang Isa, “Den diuki' lan Sura' Allataala kumua: Nakua Puang Allataala, ‘Kamu'mo dipapada allataala.’

Yahya 15:25

Apa nang la susimi ia joo anna jaji to diuki' lan sura'na Nabi Musa kumua, ‘Nakaba'cina', moiraka nate'da kupugauk dosa.’

2 Korintus 13:1

Mangpentallunnamo' tee la male mati'. Den diuki' lan Sura' Allataala kumua, “Iapi nawa'ding dira'tah kara-karana to tau ke denni dua ba'tu tallu sa'bi.”

Galatia 3:24

Jaji, ia to atoran agama mpatujuki' ratu lako ratun-Na Puang Isa Almaseh, antadipupenjaji tomelo sanga matappa'ki' lako Almaseh.

Galatia 4:21

Ee, tokupusile'to to madoang bangpa napukaunan atoran agama! Pesa'dingngii tee kadangku'! La kupangpeissenanni to apa napau atoran agama to diuki' lan sura'na Nabi Musa.

Ibrani 10:28

Ia tonna jolona ke denni tau cia' nturu' atoranna Nabi Musa, la dibuno na te'da nadidampangan, ke nasa'bimi dua ba'tu tallu tau kumua madosa tonganni.

1 Yahya 5:9

Takatappa'i to apa napau tau, apa la'bih dikatappa'i pole'pa to apa napau Puang Allataala. Iamo joo la takatappa'i to mangka napau Puang Allataala kumua mentolinomo to Anak Allataala.

Pengkitanna Yahya 11:3

Ia joo wattu la ssuana' dua sa'bing-Ku' to mangpakean kamasussan mpangpeissenan pepasan-Ku' sangsa'bu dua ratuh annan pulona allona ba'tu patang pulo dua bulanna.”