Yahya 7:7 - Alkitab Duri

⁷ Te'da apa napusaba' tee tolino la ngkaba'ci kamu'. Apa ia ke Aku' nakaba'cimo', nasaba' tuli kukuanni kumua gaja' panggaukanna.

Yahya 7:7 ပူးပေါင်းရင်းမြစ်များ

Kada Bulawan 15:12

Ia to topacapa' cia' dipakainga' na te'da namadoang siama' tomacca.

Kada Bulawan 8:36

Apa inda to te'da naampa'na', mparugi kalena, ia to tongkaba'cina' ngkabudai kamatean.”

Lukas 6:26

Macilaka kamu', ke napakala'bih kamu' tau, nasaba' susi toomo napugauk tojolona tuu lako tau mpakala'bih nabi tangtongan tonna anu'.”

Yahya 17:14

Kupauanmi to kadan-Ta'. Iamo joo nakaba'cii totangmatappa', nasaba' tangngia taunna, susi Aku' tangngia toona' taunna.

Yahya 3:19

Iamo tee dinii mpasalai to tolino kumua ratumo tama lino to arrang nnarrangngi, iamo to Anak, apa la'bih nakabudai to kamalillinan, iamo to kagajatan, nasaba' gaja'i to panggaukanna.

Roma 8:7

Ia to tonakuasai kamadoangan penawanna, iamo tosiewali Puang Allataala, sanga te'da naturu' atoran-Na Puang Allataala, nasaba' tangnakullei.

Galatia 4:16

Misangamora'ka ewalimmi too, nasaba' kupauan kamu' katonganan?

Yakub 4:4

Ee, kamu' totangnningaranmo pale' Puang! Miissen kumua ia ke mipangbuda-budaii susi to totangnturu' Puang Allataala menjaji kamu' ewalin-Na Puang Allataala. Jaji ia to tolampangbuda-budaii susi joo, iamo mpangpeewalian kalena lako Puang Allataala.

1 Yahya 4:5

Ia to nabi tangtongan torro lan lino na mpangngajaran pangngajaran to te'da napole jio mai Puang Allataala, na ia to tolino tangnturu' Puang Allataala naturu'i joo pangngajaranna.