Yahya 7:35 - Alkitab Duri

³⁵ Sipangkada-kadai joo pekaamberan to-Yahudi nakua, “La male umborika ia tee tau, nate'damo tawa'ding ssitammuanni? La malerika lako to-Yahudi to torro jio tangnga-tangngana to-Yunani naajahhi to to-Yunani jio?

Yahya 7:35 ပူးပေါင်းရင်းမြစ်များ

Matius 12:21

na sininna bangsa ia ngasan nanii mangrannuan.”

Lukas 2:32

Iamo mpakanassai to pakkaeloran-Ta' lako bangsa tangngia to-Yahudi, na mpaden kamala'biran lako umma'-Ta' Israel.”

Yahya 12:20

Ia tuu lako tomale de' kota Yerusalem la massambajang ke pangramean Paskah, den too ba'tu pira-pira to-Yunani.

Yahya 7:1

Mangkai joo too, malemi Puang Isa ngguririkki tana Galilea. Cia'mi pole lako tana Yudea, sanga ia to pekaamberan to-Yahudi jio nnangah bangmo lalan madoang la mbunoi.

Yahya 8:22

Ia tonna sa'dingngi pekaamberan to-Yahudi, sipangkadai nakua, “Oo, mbai la mbunoi kalena, sanga nakua kumua, ‘Te'da kamu' ngkullei ratu lako to la kunii male.’ ”

Jamanna Rasulu' 11:18

Mangkanna nasa'ding joo, napahangmi. Mpakala'bihmira Puang Allataala nakua, “Ianna susi joo, moi pale' bangsa tangngia to-Yahudi natarima toomi Puang Allataala, ke mengkatoba'i jio mai dosana, anna benni katuoan melo te'da cappa'na.”

Jamanna Rasulu' 11:20

Apa den ba'tu pira-pira to tomatappa' pole jio mai pulau Siprus na kota Kirene ratu lako kota Antiokhia, na mpangpeissenan too Kareba Kasalamatan lako to-Yunani kumua Puangngi to Isa.

Jamanna Rasulu' 14:1

Ia to mangka jaji jio kota Antiokhia susi bang una to jaji jio kota Ikonium. Malemi Paulus sola Barnabas mentama bola passambajangan to-Yahudi namangngajahhi. Buda to-Yahudi sola to-Yunani memmatappa' lako Puang Isa.

Jamanna Rasulu' 17:4

Ba'tu pira-pira to tau memmatappa' na menturu' lako Paulus sola Silas. Buda toda to-Yunani, to mangngagama to-Yahudimo, memmatappa', na budapa to baine todipekapuangngi.

Jamanna Rasulu' 18:4

Apa ianna Allo Katorroan omo, male omi Paulus sipangkada-kada to-Yahudi sola to-Yunani jio bola passambajangan, dikua namatappa' lako Puang Isa.

Jamanna Rasulu' 21:21

Apa den tau mpauko kumua muajahhi ngasanni to to-Yahudi torro jio tondok laen mpatorro atoranna Nabi Musa, danggi' napangpesunnatan anakkana ba'tu nturu' ada' laenna.

Jamanna Rasulu' 22:21

Apa nakuanna' Puang, ‘Male bangmoko, nasaba' la kusuako male mambela lako bangsa tangngia to-Yahudi.’ ”

Roma 1:16

Kukatappa'i tongan kumua ia to Kareba Kasalamatan iamo kuasan-Na Puang Allataala. Iamo carana Puang Allataala mpasalama' tomatappa' lako Puang Isa, la to-Yahudi, la bangsa tangngia to-Yahudi.

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

Kolose 1:27

Madoangngi Puang Allataala mpangpekitanni lako sininna umma'-Na to melona sola mala'bihna joo akkatta-Na lako kamu' bangsa tangngia to-Yahudi kumua, natorro too Almaseh lan kalemi, na iamo buttinna kumua la turu' toda kamu' mperasai kamala'biran-Na Puang Allataala jao suruga.

1 Timotius 2:7

Na iamo joo naangka'na' Puang Allataala menjaji rasulu' angkudisua male lako sininna bangsa tangngia to-Yahudi la mpangpangngajaranni to kamatapparan tongan. Na tongan tee kupau, te'da kumangnguraga.

2 Timotius 1:11

Puang Allataala nnangka'na' menjaji rasulu' na guru, la mpangpeissenanni joo Kareba Kasalamatan.

Yakub 1:1

Ee, tomala'bihku' sola ngasan, umma'-Na Puang Allataala to titaleh lan lili'na lino. Ia tee sura' pole jio mai aku' Yakub tonasua Puang Allataala sola Puang Isa Almaseh.

1 Petrus 1:1

Ee, tomala'bihku' sola ngasan, to napileimo Puang Allataala menjaji umma'-Na! Aku' Petrus rasulu'-Na Puang Isa Almaseh nnuki'i tee sura' lako kamu' to titaleh jio propinsi Pontus, Galatia, Kapadokia, Asia na Bitinia, to torro jio susi tomentoratu lan tangnga-tangngana totangnturu' Puang Allataala.