Yahya 7:31 - Alkitab Duri

³¹ Apa buda too tau matappa' lako Puang Isa nakua, “Manassa kumua nang Raja Mangpasalama' Ia, sanga la'bih buda tanda mejangngaran napugauk na ia to tau laen.”

Yahya 7:31 ပူးပေါင်းရင်းမြစ်များ

Matius 12:23

Jangngah ngasanmi to tobuda nakua, “Ba'tu bati'nara Raja Daud tee tau to mangka dipau tonna anu'?”

Lukas 8:13

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai. Apa te'da natorro tongan lan penawanna. Te'da namasai matappa', nasaba' ianna den pecoba rratui, ta'pa balik pole'mi.

Yahya 11:45

Buda to-Yahudi ratu mpakatana Maryam memmatappa' lako Puang Isa tonna kitami to apa napugauk.

Yahya 12:11

sanga ia mpusaba'i nate'da namenturu' lako kapala imang to tobuda apa matappa' lakori Puang Isa.

Yahya 12:42

Moi nasusi joo, buda una pekaamberan to-Yahudi matappa' lako Puang Isa, apa te'da nabarani mpaui lako tau, sanga malaja'i tangnaeloran to-Farisi mentama bola passambajangan.

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 3:2

Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”

Yahya 4:29

nakua, “Male kamu' ngkitai, den tau ntuu jio. Naissen ngasan sininna to apa mangkamo kupugauk. Ba'tu tangngiamora Ia joo to Raja Mangpasalama'?”

Yahya 4:39

Buda to-Samaria lan joo kota memmatappa' lako Puang Isa, nasaba' kadanna joo baine kumua, “Napauan ngasanna' sininna to apa mangkamo kupugauk.”

Yahya 6:2

Gaja buda tau mpeundii, sanga nakitamo to tanda mejangngaran napaden ke mpamalagahhi tomasaki.

Yahya 7:26

Te'da bangmo kada nabuni jio olona tobuda, na te'da bang pekaamberanta' mpebalii. Naissen tonganmiraka kumua Iamo Raja Mangpasalama'?

Yahya 9:16

Ba'tu pira-pira to to-Farisi mangkada nakua, “Tangngia topole jio mai Puang Allataala joo, nasaba' te'da naturu'i to atoran Allo Katorroan.” Nakua to laenna, “Te'da ia to tomadosa la mpugauk tanda mejangngaran susi joo.” Susimi joo sipekkami to to-Farisi.

Jamanna Rasulu' 8:13

Moi Simon memmatappa' todai, na ia tonna mangka dijio' ta'pa malei nturu' Filipus. Takkajanna'i ngkitai to tanda mejangngaran.

Yakub 2:26

Mate to batang kale ke te'dai penawa lan, susi toda to kamatapparan to te'da nadipasiolanan panggaukan, mate toda ia, battuananna sitonganna te'da nadisanga kamatapparan.