Yahya 7:23 - Alkitab Duri

²³ ammikua danggi' mitengkai atoranna Nabi Musa. Ia ke susii joo ciapari mikagallina', ke mpamalagahna' mesa' tau ke Allo Katorroan?

Yahya 7:23 ပူးပေါင်းရင်းမြစ်များ

Matius 12:10

Den mesa' tau to mate sangbali limanna ntuu jio. Ba'tu pira-pira tau, to la nnangah bang kasalanna Puang Isa anna wa'ding mparapa'i, mekutana lako Puang Isa nakua, “Ianna situru' atoran agamanta', wa'dingraka mpamalagah tomasaki ke Allo Katorroan?”

Matius 12:2

Nakitami to-Farisi napasalai to Puang Isa nakuanni, “Kitari to anak gurun-Ta'! Ciapari na te'da naturu'i to atoran agamanta', anna pugaukki to dipemalian dipugauk ke Allo Katorroan?”

Matius 12:5

Tangden toomoraka mibacai to sura'na Nabi Musa kumua, ia to imang mangjama bang lan Bola Puang Allataala ke Allo Katorroan, to tangsituru' atoran, na te'da nadipasala?

Yahya 5:10

Iamo joo na ia to pekaamberan to-Yahudi ngkuanni joo to te'damo nakupi', “Allo Katorroan tee allo, te'da muwa'ding mpassan ampahmu.”

Yahya 7:21

Nakua omo Puang Isa ngkuanni, “Mane' mesa'ra tanda mejangngaran kupugauk tonna Allo Katorroan, ammisijangngaranmo.

Yahya 9:16

Ba'tu pira-pira to to-Farisi mangkada nakua, “Tangngia topole jio mai Puang Allataala joo, nasaba' te'da naturu'i to atoran Allo Katorroan.” Nakua to laenna, “Te'da ia to tomadosa la mpugauk tanda mejangngaran susi joo.” Susimi joo sipekkami to to-Farisi.