Yahya 7:14 - Alkitab Duri

¹⁴ Ia tonna pirang-pirang allomo joo pangramean, malemi Puang Isa lako rante Bola Puang Allataala namangngajahhi.

Yahya 7:14 ပူးပေါင်းရင်းမြစ်များ

Matius 21:12

Mentamami rante Bola Puang Allataala to Puang Isa naula'ii to tomangbaluk sola tomangngalli lan. Nabalittua' simesa'i to meja nanii tompasitongka doi' sola cadokkoan pangbaluk jangan-jangan.

Matius 26:55

Mangkai joo too nakuamo Puang Isa lako joo tobuda, “Misangaraka parampo'na', ammiratu sitakin pa'dang sola mbawa tarasulu' la njokkona'? Allo-allona' mangngajahhi jio Bola Puang Allataala na te'da mijokkona'.

Lukas 19:47

Mangngajahhii to Puang Isa lan Bola Puang Allataala allo-allo. Na ia to kapala imang sola guru agama nnangah lalan la mbunoi. Susi toda to pekaamberan to-Yahudi.

Yahya 18:20

Mebalimi Puang Isa nakua, “Tuli mangcurita maruruh bangna' jio olona tobuda. Tuli mangngajahhina' jio bola passambajangan sola jio Bola Puang Allataala to biasa nanii buda to-Yahudi sirempun. Te'dapa naden apa kupau membuni.

Yahya 5:14

Ia tonna sitammu pole' omo lan Bola Puang Allataala nakuamo Puang Isa, “Malagahmoko tuu too, danggi'mo mupugauk pole' dosa anna danggi' mumasessa pole' to la'bih mabanda'.”

Yahya 7:2

Ia joo wattu madoi'mo to pangramean to-Yahudi disanga pangramean Pondo' Daun.

Yahya 7:28

Ia tonna mangngajahhi Puang Isa jio rante Bola Puang Allataala, naandongngi gamaran-Na nakua, “Mipikkiri' kumua miissen indana' tee, na topole umbona'. Apa ia to karatuan-Ku' te'da naeloh-Ku', apa nasuana' Puang Allataala to sipato' dikatappa'i, na Iamo te'da miissenni.

Yahya 7:37

Ia tonna allo cappa'namo joo pangramean Pondo' Daun, ia toomo allo kaminang parallu, ke'dehmi Puang Isa mangkada mpematonggoi gamaran-Na nakua, “Ia to tomawakke, la ratui lako Aku', namangngiso'.

Yahya 8:2

Ia tonna makale'mo, male pole'i lako rante Bola Puang Allataala na buda tau ratu sirempun. Nacumadokko Puang Isa napamulai nnajahhi tobuda.

Yahya 8:20

Ia tee kada napau Puang Isa tonna mangngajahhi jio rante Bola Puang Allataala sikandoppi' patti doi' sudakka. Apa moi mesa' tau te'da njokkoi, nasaba' te'dapa nadete'i wattunna.