Yahya 6:71 - Alkitab Duri

⁷¹ Ia to nasanga Puang Isa, iamo joo Yudas anakkana Simon Iskariot. Sanga moi na ia joo Yudas sala mesa'na jio mai to sangpulo dua anak gurun-Na, apa iamo la mpangpejokkoanni.

Yahya 6:71 ပူးပေါင်းရင်းမြစ်များ

Matius 10:2

Ia to sanganna joo sangpulo dua rasulu'-Na Puang Isa susi tee: Simon (ba'tu Petrus) na Andreas to sile'tona. Namane' dua anakkana Zebedeus, iamo to Yakub na Yahya.

Matius 10:4

Simon tobarani, na Yudas Iskariot to undinna mpangpejokkoan Puang Isa.

Markus 14:10

Yudas Iskariot, iamo sala mesa'na to sangpulo dua anak gurun-Na Puang Isa, male lako kapala imang, la mpangpejokkoan Puang Isa.

Yahya 12:4

Apa den mesa' anak gurun-Na Puang Isa disanga Yudas Iskariot, iamo to la mpangpejokkoanni, mangkadai nakua,

Yahya 13:2

Ia tonna bongi nakumande Puang Isa sola anak gurun-Na, na ia to Ballisi' mangkai ssede Yudas anakkana Simon Iskariot anna la mpangpejokkoan Puang Isa.

Yahya 13:26

Mebalimi nakua, “Ia to la kucummuran roti do' mangko', kumane' mbenni.” Mangkanna Puang Isa mangkada susi joo, nnalami roti nacummui do' mangko', nabenni Yudas anakkana Simon Iskariot.

Yahya 2:2

Dipauan tooi Puang Isa sola anak gurun-Na naratu.

Yahya 20:24

Den mesa' anak gurun-Na Puang Isa disanga Tomas (to disanga too Rendu). Te'da na jio sola solana, tonna ratu Puang Isa mpangpekitan kalena.

Yahya 6:64

Apa den unapa kamu' to te'dapa mimatappa'.” Naissen jolomo Puang Isa kumua indara to la cia' ngkatappa'ii, sola indara to la mpangpejokkoanni.

Yahya 6:70

Mebalimi Puang Isa nakua, “Aku'ra to mpilei kamu' tee tau sangpulo dua. Apa den mesa' tonatamai setang lan tangnga-tangngami.”

Jamanna Rasulu' 2:23

Mangkamo napangben Puang Allataala lako kalemi ammipangpebunoanni lako togaja' napampangngi. Apa sitonganna ia joo situru'mo akkatta-Na Puang Allataala mellao jiona mai.

Yudas 1:4

Gaja parallu joo, nasaba' denmo guru tangtongan mentama buni tangnga-tangngami. Nakua kumua, “Pada-padaki' tomatappa'”, apa sitonganna cia'i mengkaturu' lako Puang Allataala. Nakua too kumua, “Wa'ding bangki' manggauk sala situru' pakkaeloran penawanta', sanga mangpakamoja' to Puang Allataala.” Iamo carana mbalik salai to pangngajaran pangpakamoja'-Na Puang Allataala. Te'da too natarimai to Puang Isa Almaseh kumua Ia manda mesa-mesanna Puangta' to makuasa. Ia joo guru tangtongan la nasessa Puang Allataala, sanga napau jolo nabi tonna anu' to pangcalla napattantumo Puang Allataala la nalolongan to tau susi joo.