Yahya 6:70 - Alkitab Duri

⁷⁰ Mebalimi Puang Isa nakua, “Aku'ra to mpilei kamu' tee tau sangpulo dua. Apa den mesa' tonatamai setang lan tangnga-tangngami.”

Yahya 6:70 ပူးပေါင်းရင်းမြစ်များ

Yahya 13:18

Na ia tee apa mane' mangka kupau, te'da na kamu' ngasan kupauan. Kuissen ngasan to tau kupileimo. Apa la jaji to kada mangka diuki' lan Sura' Allataala kumua, ‘Ia to tokusolan kumande, la nnewana'.’

Yahya 13:2

Ia tonna bongi nakumande Puang Isa sola anak gurun-Na, na ia to Ballisi' mangkai ssede Yudas anakkana Simon Iskariot anna la mpangpejokkoan Puang Isa.

Yahya 13:21

Ia tonna mangkamo Puang Isa mpaui joo, liwa'mi maliah penawan-Na, anna kumua, “La miingaran tee kadang-Ku' kumua, den kamu' mesa' la mpangpejokkoanna'!”

Yahya 13:27

Ia tonna mangka Yudas nnalai joo roti, natamaimi Ballisi'. Nakuamo Puang Isa ngkuanni, “Apa mukadoangngi mupugauk, pugaukmi madoi'!”

Yahya 15:16

Tangngia kamu' mpileina', apa Aku'ri mpilei kamu', angkusua kamu' male ammimembua buda, to bua te'da nalamasolang. Na ia to apa mipeta'da lako Ambe' mpau sangang-Ku', la naben kamu'.

Yahya 15:19

Ia ke la taunna kamu' totangmatappa', tantu nakabudai kamu'. Apa tangngiamo kamu' taunna, sanga mangkamo kamu' kupilei lan mai tangnga-tangngana totangmatappa', iamo nakaba'ci kamu'.

Yahya 17:12

Ia tongkusola unapa, kuasan-Ta' kupake nnampaii. Kuampai melomo anna moi mesa' te'da namasolang, saliwanna to pura dipattantumo anna jaji to diuki' lan Sura' Allataala.

Yahya 2:2

Dipauan tooi Puang Isa sola anak gurun-Na naratu.

Yahya 20:24

Den mesa' anak gurun-Na Puang Isa disanga Tomas (to disanga too Rendu). Te'da na jio sola solana, tonna ratu Puang Isa mpangpekitan kalena.

Yahya 6:64

Apa den unapa kamu' to te'dapa mimatappa'.” Naissen jolomo Puang Isa kumua indara to la cia' ngkatappa'ii, sola indara to la mpangpejokkoanni.

Yahya 6:67

Mekutanami Puang Isa lako to sangpulo dua anak gurun-Na nakua, “La male todamora kamu'ka ssalaina'?”

Yahya 6:71

Ia to nasanga Puang Isa, iamo joo Yudas anakkana Simon Iskariot. Sanga moi na ia joo Yudas sala mesa'na jio mai to sangpulo dua anak gurun-Na, apa iamo la mpangpejokkoanni.

Yahya 8:44

Ballisi' kamu' to ambe'mi. Iamo mimadoang bang mpugaukki to pangkabudaianna Ballisi'. Mammula jiona mai topabuno ia. Te'da lalo ia nampau katonganan, sanga te'da katonganan naampui. Ia ke mangnguragai, sipato'namo, sanga iamo garonto'na sininna pangnguraga.

Jamanna Rasulu' 1:17

Pada dipileiki' sola Yudas tonna tee la mangjama sola.”

Jamanna Rasulu' 13:10

Nakuanni, “Ee bati'na Ballisi'! Ewalinnako sininna kameloan! Topangnguraga la'da'ko! Te'daraka mulantorroi hhalangngi akkatta-Na Puang Allataala mpasalama' tolino?

1 Timotius 3:11

Ia too ke denni baine menjaji tomangjama ntulung jamaa la tomelo toopi, te'da nawa'ding mpau gaja' padanna rupa tau, apa nta'tan kalena na maruruh lan sininna passalan.

Titus 2:3

Susi toomi joo, la mupakainga' to tomatua baine, dikua anna menturu' lako manda Puang Allataala. Te'da nawa'ding mpau gaja' padanna rupa tau, te'da napangngiso', apa la mpangpangngajaranri to disanganna melo.

1 Yahya 3:8

Ia to tompugauk tarruh dosa, napuanak Ballisi', nasaba' ia to Ballisi' iamo garonto'na dosa mammula jiona mai. Iami joo naratumo to Anak Allataala la ssabu'ii to jamanna joo Ballisi'.