Yahya 6:56 - Alkitab Duri

⁵⁶ Na ia to tongkande batang kale-Ku' na nniso' rara-Ku', da'tanni memmesa' sola Aku' na Aku' toda memmesa' sola ia.

Yahya 6:56 ပူးပေါင်းရင်းမြစ်များ

Yahya 14:20

Ia ke nadete'mi wattunna, la miissen kumua memmesa'na' sola Ambe'-Ku', na kamu' memmesa' sola Aku', na Aku' memmesa' sola kamu'.

Yahya 14:23

Mebalii Puang Isa nakua, “Ia to tompakamoja'na', la naturu' to pangngajah-Ku'. La napakamoja' Ambe'-Ku' joo tau. La ratuna' sola Ambe'-Ku' lako to tonturu' pangngajaran-Ku', angkitorro mari'pih sola.

Yahya 6:55

Nasaba' ia to batang kale-Ku', iamo kande tongan, na ia to rara-Ku', iamo apa diiso' tongan.

2 Korintus 6:16

Te'da kasiumputanna Bola Puang Allataala na bolana dewata! Na kita'mo Bola Puang Allataala to tuo, susi to napau Puang Allataala kumua, “La mari'pihna' sola tuu lako tau, na la torrona' lan tangnga-tangngana. La menjajina' Puang Allataala to nasompa, na ia tuu lako tau la menjaji umma'-Ku'.

Efesus 3:17

Ia ke susimi joo, mari'pihmi Almaseh lan penawammi, nasaba' matappa' kamu' lako kale-Na. Massambajang toona' kumua moi apa mipugauk, mipugaukki nasaba' pangpakamoja'.

1 Yahya 2:24

Iamo joo na ia to pangngajaran tongan to mangkamo misa'ding mammulammi matappa', la miingaran melo lan penawammi. Ia ke miingaran meloi, la da'tan kamu' mesa' penawa sola Anak na Ambe',

1 Yahya 3:24

Ia ngasan to tonturu' parenta-Na Puang Allataala, mesa' penawami sola Puang Allataala, na Puang Allataala mesa' penawa too sola ia. Na taissen kumua Puang Allataala mesa' penawa sola kita', sanga mangkamiki' naben Roh Allataala.

1 Yahya 4:12

Moi mesa' tau te'da ngkita Puang Allataala. Apa ia ke sipakamoja'ki', da'tanni Puang Allataala mesa' penawa sola kita', taperasai tonganni to pangpakamoja'-Na.

Pengkitanna Yahya 3:20

Pesa'dingngii tee! Ke'dehna' jio pelalan messa'da. Ianna den tau ssa'dingngi to gamarang-Ku' natimbakanni, mentamana' ssitammuanni angkikumande sola.