Yahya 6:38 - Alkitab Duri

³⁸ Sanga mellaona' jao mai suruga, tangngia kumua pakkaeloran-Ku' la kupugauk, apa pakkaeloran-Na Ambe'-Ku' to ssuana'.

Yahya 6:38 ပူးပေါင်းရင်းမြစ်များ

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Yahya 3:13

Na moi mesa' tau te'dapa ia endek de' suruga, apa mane' Aku'ra tee, Anak Mentolino, to pole jaomo mai.

Yahya 3:17

Nasuai Puang Allataala to Anak mentama lino, te'da anna la sessai to tolino, apa la napasalama'ri.

Yahya 3:31

Ia to Puang Isa, iamo to pole jao mai suruga, najaonanni ngasan to sininna apa. Ia to topole jio mai lino, direken ia tolino, namangkada tolino too. Apa Puang Isa pole jao mai suruga, najaonanni to sininna apa.

Yahya 4:34

Nakua omo Puang Isa, “Ia to kande-Ku', iamo to nturu' pakkaeloran-Na Puang Allataala angkumangkai tooi to jaman nasuanna'.

Yahya 5:19

Napebalii Puang Isa joo pekaamberan to-Yahudi nakua, “La miingaran tee kadang-Ku' kumua, ia tee Aku' Anak Allataala, te'da kuwa'ding mpugauk apa situru' pakkaeloran-Ku', ke te'da na Ambe'-Ku' kukita mpugaukki. Sanga apa to napugauk Ambe'-Ku', ia todamo kupugauk.

Yahya 5:30

Mpatarruhhi kadan-Na Puang Isa nakua, “Te'da kuwa'ding mpugauk apa situru' pakkaeloran-Ku'. Rra'tahna' kara-karana tolino susi to naparentanna' Ambe'. Maruruh to pangra'tah-Ku', nasaba' te'da naeloh-Ku', apa pakkaeloran-Na Ambe' to ssuana'.

Yahya 6:29

Mebalii Puang Isa nakua, “Iamo tee to nakadoangngi Puang Allataala jio mai kalemi: la matappa' kamu' lako kale-Ku' kumua Aku'mo to nasua Puang Allataala.”

Yahya 6:33

Na ia to kande napangben Puang Allataala, Aku'mo to mellao jao mai suruga, na mpangben katuoan melo te'da cappa'na lako tolino.”

Yahya 6:42

Pada nakuamo, “Ah, Iamo Puang Isa to anakkana Yusuf. Kiissen to tomatuan-Na! Matumbai nawa'ding kumua, ‘Mellaona' jao mai suruga?’ ”

Yahya 6:57

Ia to Ambe'-Ku' to ssuana', Iamo naputuo tau. Susi Aku' tuo jio mai kale-Na, susi toomi to tongkande batang kale-Ku', la tuo jioi mai kale-Ku'.

Roma 15:3

Almaseh una nate'da nakamasannangan-Na manda napikkiri', susi to diuki' lan Sura' Allataala mpaui kumua, “Sininna kada pangcapa' lako Puang Allataala, mangkamo kuperasai.”

Efesus 4:9

Apara battuananna joo kada? Ia ke dikua, “Endekki” battuananna denmo namellao do' ngenan kaminang majiongna lino.

Ibrani 5:8

Anak Allataalai to Puang Isa, apa moi nasusi joo napelajahhi todai mengkaturu' tonna maparri'.