Yahya 6:35 - Alkitab Duri

³⁵ Nakua omo Puang Isa, “Aku'mo kande to mben katuoan tolino. Ia to toratu lako Aku', te'da tarruhmo nalatangbarah. Ia to tomatappa' lako Aku', te'da tarruh toomo nalamawakke.

Yahya 6:35 ပူးပေါင်းရင်းမြစ်များ

Matius 11:28

Ee kamu', tomasussa penawa sola totangmasannang, nasaba' atoran masussa to nakabua' guru agama. Malemo kamu' mai, angkupemasannangngi kamu'.

Lukas 6:25

Macilaka kamu' to barahmo tee too, nasaba' la tangbarah kamu'. Macilaka kamu' to metawamo tee too, nasaba' la masse penawammi mikumarrak.

Yahya 4:15

Nakua joo baine ngkuanni, “Ee Puang, tabenna' tuu wai, nate'damo kumawakke, nadanggi' kuratu punala ssiok wai ntee.”

Yahya 5:40

apa cia' kamu' ratu lako kale-Ku', ammiampa' katuoan melo te'da cappa'na.

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Yahya 6:41

Sipangnuku-nukuanni to to-Yahudi lako Puang Isa, sanga ia to nakua, “Aku'mo kande to mangka mellao jao mai suruga.”

Yahya 6:65

Nakua Puang Isa, “Iamo joo mangkamo kamu' kukuan, ‘Moi mesa' tau te'da nakullei ratu lako Aku', ke te'da napuelohhi Ambe'-Ku'.’ ”

Pengkitanna Yahya 22:17

Mangkadai Roh Allataala sola Tobotting Baine nakua, “Malemo kamu' mai!” Ia to tau ssa'dingngi tee, la mangkada todai nakua, “Male kamu' mai!” Inda-inda to mawakke, la maleri mai! Inda-inda to ngkadoangngii, la naalari joo wai mangpatuo to tangdialli.

Pengkitanna Yahya 7:16

Te'damo anna la ssa'dingan katangbarasan, kamawakkean na allo malussu to mma'bongan kuli'na,