Yahya 6:32 - Alkitab Duri

³² Nakua Puang Isa ngkuanni, “La miingaran tee kadang-Ku' kumua, tangngia Nabi Musa tonna anu' to mben kamu' kande jao mai suruga, apa Ambe'-Ku' Ia to mben kamu' kande tongan jao mai suruga.

Yahya 6:32 ပူးပေါင်းရင်းမြစ်များ

Yahya 1:9

Ia joo Kada, iamo Arrang tongan, ratumo tama lino nnarrangngi penawanna sininna tolino.

Yahya 15:1

Nakua omo Puang Isa, “Aku'mo garonto' anggoro' melo, na Ambe'-Ku' pangbara'bahna.

Yahya 6:31

Ia to tojolota' mangka ngkande kande disanga manna jio padang pallawangan, susi to diuki' lan Sura' Allataala kumua, ‘Nabenni kande jao mai suruga nakandei.’ ”

Yahya 6:33

Na ia to kande napangben Puang Allataala, Aku'mo to mellao jao mai suruga, na mpangben katuoan melo te'da cappa'na lako tolino.”

Yahya 6:35

Nakua omo Puang Isa, “Aku'mo kande to mben katuoan tolino. Ia to toratu lako Aku', te'da tarruhmo nalatangbarah. Ia to tomatappa' lako Aku', te'da tarruh toomo nalamawakke.

Yahya 6:41

Sipangnuku-nukuanni to to-Yahudi lako Puang Isa, sanga ia to nakua, “Aku'mo kande to mangka mellao jao mai suruga.”

Yahya 6:50

Apa te'da nasusi joo to kande mellao jao mai suruga. Ia to tongkandei joo kande, te'damo nalamate.

Yahya 6:55

Nasaba' ia to batang kale-Ku', iamo kande tongan, na ia to rara-Ku', iamo apa diiso' tongan.

Yahya 6:58

Mangkamo nakande tojolomi to kande disanga manna, namate unai. Apa ia to tongkandei tee kande kubenni, te'damo nalamate, apa la tuo tarruhmo, sanga Aku'mo tee to kande mellao jao mai suruga.”

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.