Yahya 6:26 - Alkitab Duri

²⁶ Mebalimi Puang Isa nakua, “La miingaran tee kadang-Ku' kumua, iara miangahna', sanga barahmo kamu' mangka ngkande roti, tangngia nasaba' miissenni apa battuananna joo tanda mejangngaran kupugauk.

Yahya 6:26 ပူးပေါင်းရင်းမြစ်များ

Yahya 3:3

Napebalii Puang Isa nakua, “Ingaranni! Moi mesa' tau te'da nawa'ding menjaji umma'-Na Puang Allataala lan kaparentan-Na, ke te'dai nadijajian pole'.”

Yahya 3:5

Napebalii Puang Isa nakua, “Ingaranni! Ia ke te'da nadijajian pole' to tau jio mai wai sola Roh Allataala, te'da nawa'ding menjaji umma'-Na Puang Allataala lan kaparentan-Na.

Yahya 6:14

Ia tonna kitami tobuda joo tanda mejangngaran napaden Puang Isa, nakuamo, “Ia tonganmo tee to nabi napau Puang Allataala tonna anu' la ratu tama lino.”

Yahya 6:15

Naissen Puang Isa kumua la ratui joo tobuda la mparukui menjaji rajana. Iamo joo namale messarak de' buntu.

Yahya 6:2

Gaja buda tau mpeundii, sanga nakitamo to tanda mejangngaran napaden ke mpamalagahhi tomasaki.

Yahya 6:24

Ia tonna kitami tobuda kumua te'damo Puang Isa jio, na moi toda anak gurun-Na, endek todami de' joo lopi namale lako kota Kapernaum nnangah Puang Isa.

Yahya 6:30

Mekutana pole' omi lako Puang Isa nakua, “Ia ke susii tuu, tanda apara tapugauk kikitai, angkiwa'ding ngkatappa'iki'? Apara la tapugauk?

Yahya 6:36

Apa mangkamo kamu' kukuan, ‘Moi mikitamo, te'da mimatappa'.’

Yahya 6:47

La miingaran tee kadang-Ku' kumua, ia to tomatappa' nnampuimo katuoan melo te'da cappa'na.

Yahya 6:53

Iamo joo nakua Puang Isa ngkuanni, “La mikatappa'i kumua, ia ke te'da mikandei to batang kale-Ku' na te'da miiso'i to rara-Ku' Aku', Anak Mentolino, te'da miampui katuoan tongan.

Yahya 6:64

Apa den unapa kamu' to te'dapa mimatappa'.” Naissen jolomo Puang Isa kumua indara to la cia' ngkatappa'ii, sola indara to la mpangpejokkoanni.

Roma 16:18

Ia to tosusi joo te'da namengkaunan lako Almaseh Puangta', apa naniiri ia mpemasannangngi penawanna. Melo bang to kadanna to la nanii nnuraga tomaruruh kaju dalle.

Filipi 2:21

Ia to tau laen pada mparinawa bangri kalena, tangngia pakkaeloran-Na Puang Isa Almaseh.

Filipi 3:19

Mangkatampakanna la sabu' tuu lako tau, nasaba' mpupuang ba'tangna, mpumatampo panggaukanna to mesirisan, na ia to tangngahna napatuju lako mandai katuoan lan lino.

1 Timotius 6:5

massisala tarruh te'da cappa'na. Gaja' tarruhmi sipa'na tuu lako tau na te'damo naissenni to pangngajaran tongan. Nasangai kumua, la buda dalle'na, ke mangngagamai.