Yahya 5:44 - Alkitab Duri

⁴⁴ Umbo la mikua matappa' lako Aku', ke nnangahra kamu' kadipujian jio mai padammi tolino, na te'da miangahhi to kadipujian pole jio mai Puang Allataala te'da susinna.

Yahya 5:44 ပူးပေါင်းရင်းမြစ်များ

Matius 23:5

Ia ngasan to panggaukanna napangpekitan bangri lako tau. Iamo joo na ia to pakean tanda kamatapparanna, susinna to rombe-rombe bajunna dipemalandoi, na ia to karappe' dinii nnanna aya' Sura' Allataala napematonggoi.

Lukas 19:17

Nakuamo joo puangna, ‘Gaja kassing tuu panggaukanmu! Natatta' melo to penawammu lako aku'. La mparentako sangpulo kota, sanga maruruhko mpugauk apa biccu'.’

Yahya 12:43

La'bih nakabudai to kadipujian pole jio mai tolino, na ia to kadipujian pole jio mai Puang Allataala.

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Yahya 3:20

Ia to tompugauk panggaukan gaja' nakaba'ci to arrang. Iamo nate'da naratu jio to nanii arrang, nakua nate'da nakitai tau to panggaukan gaja'na.

Yahya 5:41

Te'da kuparallu nakasiri' tolino.

Yahya 8:43

Manassa iamo nate'da mipahangngi to buangan kadang-Ku', nasaba' cia' kamu' mpesa'dingngi pangngajaran-Ku'.

Roma 2:10

Apa sininna to tompugauk kameloan la mperasai kamala'biran, kadipujian na kamasannangan, la lako to-Yahudi, la lako too bangsa tangngia to-Yahudi,

Roma 2:29

Sibalikanna ia to to-Yahudi, to direken umma'-Na tongan Puang Allataala, iamo to to mangpenawa to-Yahudi tongan, na ia to sunna' tongan lanri ia penawa. Ia tee napugauk Roh Allataala, na tangnakulle atoran agama mpugaukki. Ia to tosusi joo kadipakala'biranna te'da napole jio mai tolino, apa pole jio mai Puang Allataala.

Roma 2:7

Ia to toda'tan bang mpugauk kameloan, nakua anna nnampa' kamala'biran, kadipujian na katangmasolangan, la naben Puang Allataala katuoan melo te'da cappa'na.

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

2 Korintus 10:18

Nasaba' ia to tompuji kalena, te'da naissenni kumua la natarimaraka Puang Allataala. Iara to tonapuji Puang Allataala nnissenni kumua natarimai Puang Allataala.

Filipi 2:3

na danggi' miangahhi to mipumelo mesa, ba'tu pangpuji tangkebattuan. Apa sibalikanna, la mpupengkajiongan kamu' kalemi, na la mikasiri' to tau laen na kalemi.

1 Tesalonika 2:6

Te'da too kami' na ia kiangah to la napuji tau, la jio mai kalemi, la jioraka mai tolaen.

1 Timotius 1:17

Rajai to Puang Allataala to mangparenta te'da cappa'na. Mesa'ri, tangkakitanan na te'da nataloii kamatean. Iamo joo, sipato' Ia dikasiri' na dipakala'bih te'da cappa'na! Amin.

Ibrani 3:12

Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.

Yakub 2:1

Ee, tomala'bihku' sola ngasan, tomatappa' lako Puang Isa Almaseh, Puang mala'bih! Danggi' mipasilaenan tau.

1 Petrus 1:7

Na ia joo kamaparrisan miperasai la menjaji butti kumua matappa' tongan kamu' lako Puang Isa Almaseh. Ia to bulawan disa'poi anna diissen kumua massangraka bulawan iarika tangngia. Susimi joo nadiparessa too to kamatapparanmi. Na ia joo kamatapparanmi la'bih keangga' na ia to bulawan la lanynya'. Na ia ke mangkamo kamu' diparessa, la napuji, la napamatande sola la napakala'bih kamu' Puang Allataala, ke ratu pole'mi Puang Isa Almaseh.

Yudas 1:25

Ia manda mesa-mesanna Puang Allataala, to mpasalama'ki' nasaba' kamatean-Na Puangta' Puang Isa Almaseh. Iamo Puang Allataala to mala'bih, matongko, mawatang na makuasa mammula jiona mai, tee too, na te'da cappa'na! Amin.