Yahya 5:42 - Alkitab Duri

⁴² Kuissen kamu' kumua te'da mipakamoja' Puang Allataala.

Yahya 5:42 ပူးပေါင်းရင်းမြစ်များ

Lukas 16:15

Apa nakua Puang Isa lako, “Mianggai' bangra melo jio olona tau, apa naissen Puang Allataala to lan penawammi. Nasaba' apa to nasanga tolino mala'bih, nakaba'ci Puang Allataala.

Yahya 2:25

Te'da naparallu dipangpeissenan lako Puang Isa kumua matumba sipa'na to tolino, nasaba' naissen jolo Ia to apa lan penawanna tau.

Yahya 21:17

Mangpentallunna Puang Isa ngkutanaii nakua, “Simon anakkana Yona, mupakamoja'ra'ka?” Memmassei penawanna Petrus, nasaba' pentallunmi nakutanai Puang Isa. Mebali omi Petrus nakua, “Oo Puang. Kita' nnissenni to sininna apa. Taissen kumua kupakamoja'ki'!” Nakua Puang Isa ngkuanni, “Rewai to bembala'-Ku'.

Yahya 5:41

Te'da kuparallu nakasiri' tolino.

Yahya 5:43

Ratuna' napakuasa Ambe'-Ku', apa cia' kamu' ntarimana'. Apa mitarima ke den tau laen ratu mpukuasa kuasanna.

Yahya 5:44

Umbo la mikua matappa' lako Aku', ke nnangahra kamu' kadipujian jio mai padammi tolino, na te'da miangahhi to kadipujian pole jio mai Puang Allataala te'da susinna.

Yahya 8:42

Nakua omo Puang Isa, “Ia ke la Puang Allataala Ambe'mi, la mipakamoja'na', nasaba' pole jiona' mai Puang Allataala. Na ratuna' te'da naeloh-Ku', apa Ia ssuana'.

Yahya 8:47

Ia to topole jio mai Puang Allataala nakabudai mpesa'dingngi kadan-Na Puang Allataala. Apa ia to kamu' cia' kamu' mpesa'dingngii, sanga te'da mipole jio mai Puang Allataala.”

Yahya 8:55

Te'da kamu' miissenni na kuissen Aku'. Na ia ke la kukua te'da kuissenni, pangnguragana' susi kamu'. Apa kuissen Aku', na kuturu' to kadan-Na.

Roma 8:7

Ia to tonakuasai kamadoangan penawanna, iamo tosiewali Puang Allataala, sanga te'da naturu' atoran-Na Puang Allataala, nasaba' tangnakullei.

1 Yahya 2:15

Danggi' mipangbuda-budai to ewanan lan lino. Danggi' too mikaula'-ula' lako cara tuona to tolino to tangnturu' Puang Allataala, nasaba' ia ke susii joo, te'damo mikullei mpakamoja' Puang Allataala.

1 Yahya 3:17

Ia ke denni toganna'-ganna' una to apa naampui, nakitai to padanna tomatappa' te'da bang dikka' apanna, apa te'da natulungngi, te'da nawa'ding la ssanga kalena kumua tompakamoja' Puang Allataala.

1 Yahya 4:20

Pangnguraga to tau ke nakua, “Mpakamoja'na' Puang Allataala”, apa te'da napakamoja' padanna tomatappa'. Nasaba' ia pole'raka la napakamoja' to Puang Allataala to te'da nakitai, na ia to padanna tomatappa' to nakita na te'da napakamoja'i.

Pengkitanna Yahya 2:23

Sininna to tonturu'i la kubunoi too, anna issenni sininna jamaa kumua Aku' Puang to ntarruh penawanna tau. Na la kupabalahhi kamu' situru' panggaukanmi.