Yahya 5:39 - Alkitab Duri

³⁹ Mpelajahhi kamu' issinna Sura' Allataala, nasaba' misangai kumua iamo joo mipugauk ammiampa' katuoan melo te'da cappa'na. Na moi Sura' Allataala, Aku' bang una to napau,

Yahya 5:39 ပူးပေါင်းရင်းမြစ်များ

Kada Bulawan 6:23

Ia joo sininna nasuanko tomatuammu mpugaukki butung palita ssuloiko na susi arrang nnarrangngiko, na ia to pangpakainga'na mpatujuko lako lalan katuoan melo.

Daniel 12:2

Buda to tomatemo la tuo pole'. Den to totuo pole'mo, la tuo te'da anggena, na den too to la disessa te'da anggena.

Matius 22:29

Mebalimi Puang Isa nakua, “Oo, massala pahang kamu', sanga te'da miissen tonganni to apa diuki' lan Sura' Allataala, na te'da too mipahangngi to kuasan-Na Puang Allataala.

Markus 10:3

Mekutanami Puang Isa nakua, “Apara naparentan kamu' Nabi Musa tonna anu'?”

Markus 12:10

Tantu denmo mibacai tee aya' lan Sura' Allataala to mpauna' kumua, ‘Ia to batu naca'bean pande bola, menjajimo batu ariri petuo.

Lukas 16:29

Apa nakuanni Nabi Ibrahim, ‘Denmo sura'na Nabi Musa sola nabi laen. Iamo joo la napesa'dingngi apa to dipau lan.’

Lukas 16:31

Apa nakua Nabi Ibrahim lako, ‘Ia ke te'da napesa'dingngii to sura'na Nabi Musa sola nabi laen, umbora la nakua mpesa'dingngii kenna la den tomate tuo pole' la male mpakainga'i.’ ”

Lukas 24:25

Nakuamo Puang Isa lako, “Ee, nang bango' kamu'! Ciapari migaja sussa ngkatappa'i ngasanni to pura napasan nabi!

Lukas 24:27

Mangkai joo too nabattuanannimi Puang Isa to apa pura diuki' lan Sura' Allataala to ntuju kalena. Napamula jio mai sura'na Nabi Musa ratu lako sura'na nabi laen.

Lukas 24:44

Ia tonna mangkamo joo, nakuamo Puang Isa lako anak gurun-Na, “Iamora tee to pura kupauan kamu' tontasola unapa, kumua sininna to pangnguki' mpauna' lan sura'na Nabi Musa, nabi laen, na Pangpujian, nang la jajinna ia.”

Yahya 1:45

Malemi Filipus ntiro solana disanga Natanael napauanni kumua, “Siampa'mokan Raja Mangpasalama' to nauki' Nabi Musa sola sininna nabi laen lan sura'na tonna anu'. Iamo to disanga Puang Isa to-Nazaret anakkana Yusuf.”

Yahya 5:32

Apa den Ambe'-Ku' mpaui kumua, ‘Kusuako’, na kuissen kumua tongan to napau.

Yahya 5:36

Apa den ia la'bih matonggo ntongananna' na ia to kadanna Nabi Yahya. Iamo to jaman napangparentan Ambe' lako Aku' la kumangkai, ia toomo ssa'bii kumua Ambe'-Ku' to ssuana'.

Yahya 5:40

apa cia' kamu' ratu lako kale-Ku', ammiampa' katuoan melo te'da cappa'na.

Yahya 5:46

Ia ke la matappa' tongan kamu' lako Nabi Musa, tantu la matappa' too kamu' lako Aku', sanga Aku'ra to napau Nabi Musa lan sura'na.

Yahya 7:52

Mebalimi joo solana nakua, “To-Galilea todarokoka? La muparessai to Sura' Allataala, muissenni kumua te'da ia nabi pole lan mai tana Galilea.” [

Jamanna Rasulu' 13:27

Ia to to-Yerusalem sola pekaamberanna cia'i ntarimai to Puang Isa. Te'da napahangngi to pangngajahna nabi to tuli dibacanni ke Allo Katorroan oi, iamo joo napangpebunoanni. Apa ia toomora joo kanabunoanna, anna jaji apa to pura napau nabi tonna anu'.

Jamanna Rasulu' 17:11

Ia to to-Yahudi jio kota Berea la'bih melo ia penawanna na ia to to-Yahudi jio kota Tesalonika. Masannang ia ssa'ding karebanna Puang Isa, na allo-allo bang mbaca Sura' Allataala, madoang la nnissenni kumua sicoco'raka pangngajaranna Paulus.

Jamanna Rasulu' 26:27

Tabe' kita' tomala'bihku' Raja Agripa, la mekutanapa', ‘Takatappa'iraka to nabi? Kuissen kumua takatappa'i!’ ”

Roma 1:2

Mangkamo napau Puang Allataala lako nabi, na mangka toomo diuki' lan Sura' Allataala kumua ia to Kareba Kasalamatan la dipangpeissenan.

Roma 3:2

Tantu bangmo buda bua'na! Nasaba' sininna kadan-Na Puang Allataala to-Yahudimo jolo dipauan.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Ibrani 11:16

Apa ngkamali'ri mesa' tondok to la'bih melo, iamo joo tondok jao suruga. Na te'da namasiri' Puang Allataala ke nasangai Puangna, sanga denmo mesa' kota mangka napasadianni.

Ibrani 11:35

Den ba'tu pira-pira indo nnampa' pole' rapunna to matemo nadipatuo pole', sanga matappa'i. Den too tonneloran bang kalena disessa ratu lako matena. Cia'i dila'paran ke membalik pole'i kamatapparanna, sanga madoangngi dipatuo pole' nannampa' katuoan la'bih melo.

Yosua 1:8

Ia joo atoran to diuki' llan bo' Taurat, la tatta' mubacan umma'-Ku'. La da'tan mupelajahhi issinna, ammutatta' mpugauk ngasanni to apa diuki' llan. Ia ke mupugaukki susi joo, ia to katuoanmu la manyaman na ia to mupugaukkuna la melo assele'na.

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.