Yahya 5:34 - Alkitab Duri

³⁴ Apa sitonganna te'da kuparallu natonganan tolino, apa kupangngingaran kamu' tee kukua ammidipasalama'.

Yahya 5:34 ပူးပေါင်းရင်းမြစ်များ

Lukas 13:34

Ee, to-Yerusalem! Tombuno kamu' nabi! Mirura batui to tonasua Puang Allataala ratu lako kalemi, sanggenna mate! Ba'tu pempiranmo' madoang rrempun kamu', susi indo manuk rrempun anakkana jiong pani'na, apa te'da mimadoang!

Lukas 19:10

Ia tee Aku' Anak Mentolino, ratuna' nnangah sola mpasalama' tolao sala.”

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Yahya 5:32

Apa den Ambe'-Ku' mpaui kumua, ‘Kusuako’, na kuissen kumua tongan to napau.

Yahya 5:41

Te'da kuparallu nakasiri' tolino.

Yahya 8:54

Mebalimi Puang Isa nakua, “Ia ke la kupakala'bihhi to kale-Ku', moi ci'di' te'da bua'na. Apa Ambe'-Ku'ra mpakala'bihna'! Ia toomo misanga Puangmi.

Roma 10:1

Ee, todipusile'to! Gaja doangna' kumua nadipasalama' to bangsaku'. Iamo joo kupassambajangan bangngi.

Roma 10:21

Apa nakua Nabi Yesaya mpaui to kada napasan Puang Allataala lako to-Israel nakua, “Da'tan bangna' mpupengkorongan limang-Ku' lako kamu', bangsa to tangmenturu' naewa toona'.”

Roma 12:21

Danggi' nataloi kamu' kagajatan, apa mpugauk kamu' kameloan ntaloi kagajatan.

Roma 3:3

Apa umbo susi ke denni to-Yahudi tangmatappa'mo na tangnturu'mo kadan-Na Puang Allataala? Wa'dingraka Puang Allataala mpessakkannii to kadan-Na?

1 Korintus 9:22

Ia ke solana' to te'dapa namasaranian, menjaji susi todana' to te'dapa namasaranian, angkuwa'ding mpamawatangngi. Nna'gah-a'gahna' kaleku' lako sininna tau, angkuwa'ding mpasalama'i tuu lako tau pira'.

1 Timotius 4:16

La mujagai melo to kalemu sola pangngajaranmu. La tatta'ko mpugaukki to mangka kuajaranko, nasaba' ia ke susii joo la salama'ko sola to mpesa'dingngiko.

1 Yahya 5:9

Takatappa'i to apa napau tau, apa la'bih dikatappa'i pole'pa to apa napau Puang Allataala. Iamo joo la takatappa'i to mangka napau Puang Allataala kumua mentolinomo to Anak Allataala.