Yahya 5:3 - Alkitab Duri

³ Buda tomasessa simammasan jio ntuu joo lalan, susinna tomasaki, tobuta, tokeppang na tokupi'. [Pada ntajanni umbo wattu na tigonggang joo wai jiong kollang.

Yahya 5:3 ပူးပေါင်းရင်းမြစ်များ

Kada Bulawan 8:34

Maupa' to tompesa'dingngina', na allo-allo mangtajan jio bolaku', na mangpeagi jio babanganku'.

Matius 15:30

budami tau ratu mbawa tokupi', tokeppang, tobuta, tomamang na budapa tomasaki laenna napajioi olo-Na Puang Isa. Napamalagahhi.

Matius 4:24

Kaissenanmi to Puang Isa ratu re' tana Siria. Iamo joo nasabuda-budanna tau ratu lako kale-Na ssolan tomasaki to mangrupa-rupa sakinna sola kamapa'dikan, susinna tonatamai setang, tota'taran sola tokupi', napamalagahhi.

Lukas 7:22

Iamo joo napebalii nakua, “Polemo kamu' mipauanni gurummi apa to mikita sola misa'ding: pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuo pole'mo to tomate, na Kareba Kasalamatan dipangpeissenanmo lako tomakario-rio.

Yahya 5:2

Den mesa' kollang jao kota Yerusalem sikandoppi' babangan to disanga Babangan bembala', den lima lalan dideai ngguririkkii. (Ia joo kollang lan basa Ibrani disanga Betesda.)

Yahya 5:4

Sanga sipissen-pissen namellao do' to malaeka'-Na Puang nagonggangngi to wainna. Na ia to tokaminang jolo mendo', ke tigonggangmi, malagahhi jio mai sakinna.]

Roma 8:25

Apa ia ke te'dapi taampa'i to apa tarannuan, la sabbara'ki' ntajanni.

Yakub 5:7

Ee, tomala'bihku'! La sabbara' kamu' ratu lako nadete' karatuan-Na pole' Puang Isa. Takitai to pangdusung ntajanni assele' bara'bahna. Susi tooi sabbara' ntajanni to wattu peuranan.