Yahya 5:28 - Alkitab Duri

²⁸ Danggi' mijangngah ssa'dingngi tee, nasaba' la nadete'mi wattunna kumua sininna to tomatemo ssa'ding gamarang-Ku'.

Yahya 5:28 ပူးပေါင်းရင်းမြစ်များ

Daniel 12:2

Buda to tomatemo la tuo pole'. Den to totuo pole'mo, la tuo te'da anggena, na den too to la disessa te'da anggena.

Yahya 3:7

Danggi' mijangngah, ke kukuan kamu', ‘La dijajian pole' kamu'.’

Yahya 4:21

Nakua Puang Isa ngkuanni, “Ee indo', katappa'ina', la den wattunna ia to tau ssompa Ambe' te'da na jao manda ntee buntu, te'da too na jao manda kota Yerusalem.

Yahya 4:23

Apa nadete'mi wattunna, na wattunnamo tee too to kumua, pangpatuju pole jio mai Roh Allataala lako tau anna te'da nasala ke ssompai Ambe', sanga iamo to susi joo napumasannang.

Yahya 5:20

Napakitan ngasanna' sininna to apa napugauk Ambe', sanga napakamoja'na'. Na la napakitan pole'pa' tanda mejangngaran to la'bih matonggo ammijangngah.

Yahya 5:25

La miingaran kumua, la nadete'mi wattunna, na sitonganna wattunnami tee too, kumua ia to tomate la ssa'ding gamarang-Ku', tee Aku' Anak Allataala, na ia to tossa'dingngi la tuo pole'.

Jamanna Rasulu' 24:15

Sitonganna susi bang unana' tuu mati', pada kirannuan lako Puang Allataala kumua sininna tomate la napatuo pole' jio mai kamatean, la tomelo, na la togaja'.

Jamanna Rasulu' 3:12

Ia tonna kitai Petrus to tobuda nakuamo, “Ee, to-Israel, matumbari mijangngahra? Matumbari mikaje'jek tarruh bangkan? Misangaraka kumua kapakulleanki'ra ba'tu kamenturusanki' lako Puang Allataala anna wa'ding lumingka tee tau?

1 Korintus 15:22

Jaji, napumate ngasan tolino, sanga Adam. Susi toomi la naputuo ngasan to tolino, sanga Almaseh.

Filipi 3:21

Iamo la mpajajii tee batang kaleta' to tangmala'bih menjaji mala'bih susi kale-Na, mpake kuasan-Na to napake too ntaloi sininna apa.

Pengkitanna Yahya 20:12

Kukita tooi to tomate, la tokaissenan, la tobiasa, ke'deh jio olona cadokkoan mala'bih. Diballahmi to ba'tu pira-pira sura' tilulun. Den omi mesa' sura' tilulun laen diballah, iamo Sura' Katuoan. Namane' dira'tah kara-karana tee mai tomate situru' to diuki' lan joo sura' tilulun.