Yahya 5:23 - Alkitab Duri

²³ Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Yahya 5:23 ပူးပေါင်းရင်းမြစ်များ

Matius 10:37

Inda-inda to la'bih mpakamoja' tomatuanna na Aku', tangsipato' menjaji taung-Ku'. Susi toomi to la'bih mpakamoja' anakkana na Aku'.

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Matius 12:21

na sininna bangsa ia ngasan nanii mangrannuan.”

Matius 15:8

‘Nakua Puang Allataala: Ia tee mai tau kadanna manda kumua napakala'bihna', apa sitonganna te'da nakasiri'na'.

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

Lukas 10:16

Nakuamo Puang Isa lako tonturu'i, “Ia to tau mpesa'dingngi kamu', padamo to Aku' napesa'dingngi. Ia to tote'da natarima kamu', padamo to Aku' te'da natarimai. Na ia to totangntarimana', padamo to Puang Allataalara, to ssuana', te'da natarimai.”

Yahya 14:1

Nakua Puang Isa lako anak gurun-Na, “Danggi' mimausa'. Matappa' kamu' lako Puang Allataala, mimatappa' too lako Aku'.

Yahya 16:14

La napakala'bihna', nasaba' ia to napauan kamu', natarima pole jio mai kale-Ku'.

Yahya 17:10

Sininna to taung-Ku' taun-Ta' too, na sininna to taun-Ta' taung-Ku' too. Na ia to kamala'biran-Ku' pajan lan tangnga-tangngana tuu lako taun-Ta'.

Roma 1:7

Iami joo na aku' Paulus nnukiran kamu' tee sura' mati'. Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

Roma 15:12

Susi toda tee to napau Nabi Yesaya, “Jio mai bati'na Isai la jaji mesa' tau, to la mparenta sininna bangsa na lako kale-Na nanii sininna bangsa mangrannuan.”

Roma 6:22

Apa ia tee too la tuo kamu' susi to sipato'na tau mesan-Na Puang Allataala na la nnampa' kamu' katuoan melo te'da cappa'na, nasaba' mangkamo kamu' dila'paran jio mai kuasa dosa, mimengkaunan lako Puang Allataala.

Roma 8:9

Ia to kamu' te'damo mituru' kamadoangan penawammi, sanga nakuasaimo kamu' Roh Allataala, to tuo lan kalemi. Ia to te'da Roh Almaseh lan kalena, tangngia taun-Na Almaseh.

1 Korintus 1:3

Dennaa upa' nabarakka'i kamu' Ambe'ta' Puang Allataala sola Puang Isa Almaseh naben kamu' kamasannangan.

1 Korintus 10:31

Kupebalii, moi apa mipugauk, la kumanderaka la mangngiso'raka, la mipugaukki joo anna pakala'bihhi tau to Puang Allataala.

1 Korintus 16:22

Ia to tocia' mpakamoja' Puang, ake'mo ditampakki ropu! Maranata, battuananna ratumiki' Puang!

1 Korintus 6:19

Tantu miissenmo kumua ia to batang kalemi bola-Na Roh Allataala, to naben kamu' Puang Allataala torro lan kalemi. Jaji, ia tee batang kalemi tangngiamo apammi, apa apannamo ia Puang Allataala.

2 Korintus 1:9

Ia to kiperasai susi to kumua la matemokan sanga mangkamokan dipapassanni pangsessa kamatean. Apa dipasusikan joo, dikua nadanggi' kipattuan kaleki', sangadinna mpattuankan Puang Allataala to mpatuo tomate.

2 Korintus 5:14

Napamasumanga'kan pangpakamoja'-Na Almaseh, sanga kiissen kumua ia ke mesa' tau mpumate sininna tau, pada to kumua sininna tau mate ngasanmi.

2 Korintus 5:19

Kipangpeissenan kumua Puang Allataala mpasikalino pole' tolino na kalena, nasaba' Almaseh. Te'damo napallan penawai to kasalan tapugauk lako Ia. Na ia joo kareba kasikalinoan nasuakan Puang mpangpeissenanni lako tolaen.

Efesus 6:24

Dennaa upa' nabarakka'i Puang Allataala sininna tau to mpakamoja' tarruhhi to Puangta' Puang Isa Almaseh. Padamo jolo' too. Sallangki' mati', Paulus.

2 Timotius 1:12

Iamo joo angkumaparri' susi tee lan pangtarungkuan. Apa te'da kukasirisanni, nasaba' kukanassai inda to kukatappa'i. Na kuissen kumua apa to napabarakkanna', makuasa too njagai sanggenna Kiama' lino.

Ibrani 1:6

Apa ia tonna suai Puang Allataala to Anak tungga'-Na mentolino, mangkadai nakua, “Sininna malaeka'-Ku' la ssompai joo Anak-Ku'.”

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

2 Petrus 3:18

Apa la pena' mperasai kamu' kameloan penawan-Na Puangta' Puang Isa Almaseh, Tomangpasalama'ta', ammisannissen-nissennai. Pakala'bihmi tee too, ratu lako te'da cappa'na! Amin. Sallangki' mati', Petrus,

1 Yahya 2:23

Ia to tote'da natarimai to Anak, battuananna te'da too natarimai to Ambe'. Ia tontarimai to Anak, battuananna natarima tooi to Ambe'.

2 Yahya 1:9

Ia to tocia' ngkatappa'i pangngajaran-Na Almaseh apa nakabudairi to pangngajaran laen, te'da ia namesa' penawa sola Puang Allataala. Apa ia to toda'tan nturu' pangngajaran-Na Almaseh, mesa' penawa ia sola Ambe' na Anak.