Yahya 5:22 - Alkitab Duri

²² Moi mesa' tau te'da ia nara'tah Ambe' to kara-karana, apa sininna kuasa rra'tah kara-kara napangben ngasanmo lako Aku' Anak.

Yahya 5:22 ပူးပေါင်းရင်းမြစ်များ

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Matius 16:27

Te'damo namasai kuratu, Aku' Anak Mentolino sola malaeka'-Ku', angkupupangngarrangngi to kamala'biran-Na Ambe'-Ku'. Ia joo wattu la kunii mbenni assele' panggaukanna to tolino.

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Yahya 17:2

Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Yahya 3:35

Napakamoja' Ambe' to Anak, jaji sininna apa napangben ngasanmo nakuasai Anak.

Yahya 5:27

Mangka toomo mpangben kuasa lako Aku' la rra'tah kara-karana tolino, nasaba' Aku'mo Anak Mentolino.

Yahya 9:39

Nakua Puang Isa, “Ratuna' tama lino la rra'tah kara-karana tolino, anna ia to tobuta la pakitai, na ia to topakita, la membutai.”

Jamanna Rasulu' 10:42

Na Iamo ssuakan mpangpeissenan Kareba Kasalamatan lako tau kumua Iamo naangka' Puang Allataala menjaji tomangra'tah kara-kara lako tolino, la ia totuo unapa, la ia tomatenamo.

Jamanna Rasulu' 17:31

Nasaba' mangkamo napattantuan mesa' allo la dinii rra'tahhi to panggaukanna to tolino situru' kamarurusan-Na. Denmo mesa' tau napilei la mpugaukki joo. Mangkamo napatuo pole' joo tau jio mai kamatean, dikua anna manassa kumua Iamo napilei.”

Roma 2:16

Susimi joo to la jaji ke Kiama'mi lino. Ia joo allo, situru' Kareba Kasalamatan kupangpeissenan, nasuai Puang Allataala to Puang Isa rra'tah kara-kara to membuni lan penawanna tolino.

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.

2 Timotius 4:1

La ratu pole' to Puang Isa Almaseh mangparenta susi Raja. La rra'tah kara-karana totuo sola tomate. Iamo joo, nakita Puang Allataala na Puang Isa Almaseh, kumeta'da tongan lako iko

1 Petrus 4:5

Apa la napebalii to panggaukan gaja'na lako Puang Allataala keanu'. Sadiamo Puang Allataala la rra'tah kara-karana la totuo, la tomate.