Yahya 5:15 - Alkitab Duri

¹⁵ Messunmi joo tau namale mpauanni to pekaamberan to-Yahudi nakua, “Puang Isa to mpalumingkana'.”

Yahya 5:15 ပူးပေါင်းရင်းမြစ်များ

Markus 1:45

Apa ia tee tau male bangmi nacurita to apa jaji lako kalena. Napusaba'i namembuni bangmira Puang Isa ke mentamai kota, natorro bangmo saleanan kota jio pallawangan. Apa moi nasusi joo, saratu-ratunna bang to tau jio mai buda kampong lako to nanii Puang Isa.

Yahya 1:19

Susimi tee pangngakuanna Nabi Yahya lako ba'tu pira-pira imang sola to-Lewi, to nasua pekaamberan to-Yahudi jio kota Yerusalem ngkutanaii kumua, “Indariki'?”

Yahya 4:29

nakua, “Male kamu' ngkitai, den tau ntuu jio. Naissen ngasan sininna to apa mangkamo kupugauk. Ba'tu tangngiamora Ia joo to Raja Mangpasalama'?”

Yahya 5:10

Iamo joo na ia to pekaamberan to-Yahudi ngkuanni joo to te'damo nakupi', “Allo Katorroan tee allo, te'da muwa'ding mpassan ampahmu.”

Yahya 5:12

Nakutanai pole'i nakua, “Indara joo tongkuanko angka'i ampahmu mulumingka?”

Yahya 5:16

Iamo joo na ia to pekaamberan to-Yahudi nnangah lalan la mpakario-rio Puang Isa, nasaba' napugaukki joo tonna Allo Katorroan.

Yahya 5:18

Iamo tee to kada gaja mpamasumanga' pekaamberan to-Yahudi nnangah lalan la mbuno Puang Isa. Te'da na ia manda to ntengkai atoran Allo Katorroan, apa ia toomo to nakua, “Ambe'-Ku' to Puang Allataala.” Nasaba' ia ke susii joo, mpapadai kalena Puang Allataala.

Yahya 9:15

Nakutanaimi to-Farisi joo to mangka buta nakua, “Matumbari muwa'dingmo pakita.” Mebalii nakua, “Puang Isa mpapa'dii lombu to matangku', kumane' mendau' na wa'dingmo' pakita.”

Yahya 9:25

Mebalii nakua, “Tomadosaraka joo tau ba'tu te'daraka, te'da kuissenni. Apa ia mandara kuissen kumua mangkana' buta, na pakitamo' tee too.”

Yahya 9:30

Mebalimi joo tomangka buta nakua, “Liwa' ia mejangngaranna, ke te'dai taissenni kumua topole umbora ia, na mangkamo' napapakita.

Yahya 9:34

Mebalimi to pekaamberan to-Yahudi nakua, “Apa iko! Iko tuu ponno dosa simula jajimmu, na iko pole' la nnajahhikan!” Mammula joo wattu te'dami nadieloran mentama bola passambajangan.