Yahya 5:10 - Alkitab Duri

¹⁰ Iamo joo na ia to pekaamberan to-Yahudi ngkuanni joo to te'damo nakupi', “Allo Katorroan tee allo, te'da muwa'ding mpassan ampahmu.”

Yahya 5:10 ပူးပေါင်းရင်းမြစ်များ

Matius 12:10

Den mesa' tau to mate sangbali limanna ntuu jio. Ba'tu pira-pira tau, to la nnangah bang kasalanna Puang Isa anna wa'ding mparapa'i, mekutana lako Puang Isa nakua, “Ianna situru' atoran agamanta', wa'dingraka mpamalagah tomasaki ke Allo Katorroan?”

Markus 2:24

Napasalai to-Farisi to Puang Isa nakuanni, “Kitari! Ciapari to anak gurun-Ta' nate'da naturu'i to atoran agamanta', anna pugaukki to dipemalian dipugauk ke Allo Katorroan?”

Markus 3:4

Mekutanami lako joo tompesa'i nakua, “Ianna situru' atoran agama, apara to wa'ding tapugauk ke Allo Katorroan? Manggauk meloraka, ba'tu manggauk gaja'raka? Mpasalama'riki'ka padanta' rupa tau, ba'tu mbunoriki'ka padanta' rupa tau?” Apa pada kamma' bangngi.

Lukas 13:14

Mabirihmi joo kapala bola passambajangan, nasaba' napamaruruhhi Puang Isa joo tobukku' na Allo Katorroan. Iamo joo namangkada lako tau nakua, “Den annan allona dinii mangjama, allo-allo iapa joo minii ratu ammidipakaruruh ba'tu dipamalagah, danggi' anna Allo Katorroan!”

Lukas 23:56

Mangkai joo too, polemi mpasadia minynya'-minynya' busarungngu' la naminynyakan batang rabukku-Na Puang Isa. Ia tonna Allo Katorroanmo te'damo namangjama tuu lako baine situru' atoran agama.

Lukas 6:2

Ba'tu pira-pira to-Farisi mpasalai nakua, “Ciapari na te'da mituru'i to atoran agamanta', ammipugaukki to dipemalian dipugauk ke Allo Katorroan?”

Yahya 1:19

Susimi tee pangngakuanna Nabi Yahya lako ba'tu pira-pira imang sola to-Lewi, to nasua pekaamberan to-Yahudi jio kota Yerusalem ngkutanaii kumua, “Indariki'?”

Yahya 5:11

Apa mebalii nakua, “Ia to tompalumingkana' nena' ssuana' nakua, ‘Angka'i ampahmu mulumingka.’ ”

Yahya 5:15

Messunmi joo tau namale mpauanni to pekaamberan to-Yahudi nakua, “Puang Isa to mpalumingkana'.”

Yahya 5:16

Iamo joo na ia to pekaamberan to-Yahudi nnangah lalan la mpakario-rio Puang Isa, nasaba' napugaukki joo tonna Allo Katorroan.

Yahya 7:23

ammikua danggi' mitengkai atoranna Nabi Musa. Ia ke susii joo ciapari mikagallina', ke mpamalagahna' mesa' tau ke Allo Katorroan?

Yahya 9:16

Ba'tu pira-pira to to-Farisi mangkada nakua, “Tangngia topole jio mai Puang Allataala joo, nasaba' te'da naturu'i to atoran Allo Katorroan.” Nakua to laenna, “Te'da ia to tomadosa la mpugauk tanda mejangngaran susi joo.” Susimi joo sipekkami to to-Farisi.