Yahya 4:48 - Alkitab Duri

⁴⁸ Nakua Puang Isa ngkuanni joo tomangparenta, “Ia ke te'da mikita tanda mejangngaran, te'da mimatappa'.”

Yahya 4:48 ပူးပေါင်းရင်းမြစ်များ

Daniel 4:2

Masannangna' la mpangpeissenan tanda mejangngaran to Napajaji Allataala Tomala'bih lako kaleku'.

Daniel 6:27

Kupangparentan lako sininna tau to torro lan kaparentanku' anna taratte'i to Allataala to tuo te'da anggena to nasompa Daniel. Ia to karajaan-Na te'da na la lanynya' na ia to kamangparentan-Na te'da anggena.

Matius 16:1

Den ba'tu pira-pira to-Farisi sola to-Saduki ratu la ssedei to Puang Isa. Meta'dai anna pugauk tanda mejangngaran, la mpamanassai kumua ia to kuasan-Na pole jio tongan mai Puang Allataala.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Matius 27:42

“Ee, tau laen napasalama', apa tangnakulle mpasalama' kalena! Ia ke rajana tonganni to-Israel, mellaoi tee too jao mai kaju sitamben, kimane' ngkatappa'ii.

Markus 13:22

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Lukas 10:18

Mebalimi Puang Isa nakua, “Den kukita Ballisi' polloh jao mai langi' susi palepa'.

Lukas 16:31

Apa nakua Nabi Ibrahim lako, ‘Ia ke te'da napesa'dingngii to sura'na Nabi Musa sola nabi laen, umbora la nakua mpesa'dingngii kenna la den tomate tuo pole' la male mpakainga'i.’ ”

Yahya 12:37

Moi nabudamo tanda mejangngaran napugauk Puang Isa jio olona tobuda, apa cia'i ngkatappa'i.

Yahya 15:24

Ia ke la te'dai kupugauk tanda mejangngaran lan tangnga-tangngana tobuda, to te'da napugaukki tau laen, te'da nalamadosa. Apa moi nakitamo to apa kupugauk, nakaba'cina', na moi Ambe'-Ku' nakaba'ci todami.

Yahya 2:18

Ia to pekaamberan to-Yahudi nnewali Puang Isa nakuanni, “Tanda mejangngaran apara la tapugauk to mpamanassai kumua wa'dingki' mpugaukki susi tuu?”

Yahya 20:29

Apa nakua Puang Isa ngkuanni, “Matappa'moko tee too, nasaba' mukitamo'. Masannang to tomatappa', moi te'da nakitana'!”

Yahya 4:49

Mebalii joo tomangparenta nakua, “Oo Puang, madoi'ki' dikka' male ta'bulu' te'da unapa namate joo anakkaku'.”

Jamanna Rasulu' 14:3

Masainni Paulus sola Barnabas torro jio. Te'da namalaja' mpangpeissenan kameloan penawan-Na Puang. Napabutti tooi Puang kumua tongan to kareba napangpeissenan, nasaba' nabenni kuasa la mpugauk tanda mejangngaran.

Jamanna Rasulu' 15:12

Sikammatan ngasan to tau sirempun jio, namane' mpesa'dingngii to Barnabas sola Paulus ncurita pole'i matumbai Puang Allataala ntulungngi nawa'ding mpugauk mangrupa-rupa tanda mejangngaran lan tangnga-tangngana bangsa tangngia to-Yahudi.

Jamanna Rasulu' 2:19

La mpadenna' buda apa mejangngaran jao langi', na apa liwa' makalaen-laen lan tee lino, susi rara, api, saleu' na rambu.

Jamanna Rasulu' 2:22

Mpatarruhmi kadanna Petrus nakua, “Ee, tokupusile'to to-Israel! Pesa'dingngii tee kadangku'. Ia joo Puang Isa to-Nazaret mangkamo napilei naangka'i Puang Allataala menjaji Raja Mangpasalama' lako kalemi. Manassa joo, nasaba' nabenmo kuasa mpugauk tanda mejangngaran na tanda to te'da susinna lan tangnga-tangngami susi to miissenmo kamu'.

Jamanna Rasulu' 2:43

Liwa' buda tanda mejangngaran napugauk rasulu', anna jangngah to tobuda na malaja' too.

Jamanna Rasulu' 4:30

Papajanmi to kuasan-Ta', angkiwa'ding mpamalagah tomasaki, sola mpugauk tanda mejangngaran mpake kuasan-Na Puang Isa, kaunan mattantun-Ta'.”

Jamanna Rasulu' 5:12

Ia to rasulu' mpugauk mangrupa-rupa tanda mejangngaran lan tangnga-tangngana tobuda. Tuli mesa' penawai to tomatappa' sirempun jio rantena Sulaiman jio Bola Puang Allataala.

Jamanna Rasulu' 6:8

Ia to Stefanus nabarakka'i Puang Allataala anna benni kuasa mpugauk tanda mejangngaran lan tangnga-tangngana tobuda.

Jamanna Rasulu' 7:36

Iamo mpasun bangsa Israel jio mai tana Mesir mpake mangrupa-rupa tanda mejangngaran la jio tana Mesir, la jio Tasik Malea, na jio padang pallawangan patang pulo taun masainna.

Roma 15:19

Nabenna' Almaseh kuasan-Na Roh Allataala mpugauk panggaukan mejangngaran to tangnadete' akkalan. Susimi joo kupangpeissenanmi to Kareba Kasalamatan, karebanna Almaseh, lako sininna tau, mammula jio mai kota Yerusalem ratu lako tana Ilirikum.

1 Korintus 1:22

Meta'dai to to-Yahudi tanda mejangngaran menjaji butti, na ia to to-Yunani gaja mpattuanni kapaissenan linona.

2 Korintus 12:12

Ia tongkuiti', napakena' Puang Allataala mpugauk buda tanda mejangngaran sola apa-apa laen to te'da susinna, sabbara'na' njama jamanku' lan tangnga-tangngami. Iamo buttinna kumua rasulu' tonganna'.

2 Tesalonika 2:9

Ia joo Togaja' la napaollong Ballisi', na mpaden mangrupa-rupa to apa makalaen-laen na mejangngaran, apa sininna joo te'da ngasan natongan.

Ibrani 2:4

Te'da na ia manda joo, apa Puang Allataala Ia ntongananni to kadanna tuu lako tau, anna benni kuasa mpugauk mangrupa-rupa tanda mejangngaran, naben tooi barakka' Roh Allataala situru' pakkaeloran-Na.