Yahya 4:25 - Alkitab Duri

²⁵ Nakuamo joo baine lako Puang Isa, “Kuissen kumua la ratui to Raja Mangpasalama' to disanga Almaseh. Na ia ke ratumi, Iamo mpamanassan ngasanki' to sininna apa.”

Yahya 4:25 ပူးပေါင်းရင်းမြစ်များ

Matius 1:16

Yakub njajian Yusuf, iamo muanena Maryam, na Maryam njajian Puang Isa to disanga Almaseh.

Matius 27:17

Ia tonna budamo tau sirempun, mekutanami Gubernur Pilatus lako nakua, “Indannara mikadoangngi la kula'paran? Barabasraka ba'tu Isaraka to disanga Almaseh?”

Matius 27:22

Nakuamo, “Ia ke susii joo, na la kupatumbai joo Puang Isa to disanga Almaseh?” Metambami tuu lako tobuda nakua, “Pampangngi Ia.”

Lukas 2:11

Ia tee allo jajimi to Tomangpasalama'mi jio kotana Raja Daud. Iamo Almaseh, Puang.

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 4:29

nakua, “Male kamu' ngkitai, den tau ntuu jio. Naissen ngasan sininna to apa mangkamo kupugauk. Ba'tu tangngiamora Ia joo to Raja Mangpasalama'?”

Yahya 4:39

Buda to-Samaria lan joo kota memmatappa' lako Puang Isa, nasaba' kadanna joo baine kumua, “Napauan ngasanna' sininna to apa mangkamo kupugauk.”

Yahya 4:42

Nakua tuu lako tau ngkuanni joo baine, “Matappa'mokan tee too, tangngia ia manda to kadammu lako kami', apa kisa'dingmo kami' to pangngajah-Na, na kiissen kumua Iamo mpasalama' tolino.”