Yahya 4:23 - Alkitab Duri

²³ Apa nadete'mi wattunna, na wattunnamo tee too to kumua, pangpatuju pole jio mai Roh Allataala lako tau anna te'da nasala ke ssompai Ambe', sanga iamo to susi joo napumasannang.

Yahya 4:23 ပူးပေါင်းရင်းမြစ်များ

Kada Bulawan 15:8

Ia to passambajangna to tomaruruh penawanna, Natarima Puang Allataala apa Nakaba'ci to passompana togaja'.

Yahya 1:17

Ia to atoran-Na Puang Allataala nabenki' Nabi Musa, apa ia to pangpakamoja' sola katonganan jio mai Puang Allataala napamanassa Puang Isa Almaseh.

Yahya 12:23

Nakua Puang Isa ngkuanni, “Nadete'mi wattung-Ku' tee Aku', Anak Mentolino, la dipakala'bih.

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Yahya 16:32

La nadete'mi wattunna, na sitonganna wattunnami tee too, kumua la dipasisarak-sarak kamu'. Pada la pole kamu' lako bolami, ammisalaina' mesa-mesa. Apa sitonganna te'da kumesa-mesa, sanga den Ambe' kusolan.

Yahya 4:21

Nakua Puang Isa ngkuanni, “Ee indo', katappa'ina', la den wattunna ia to tau ssompa Ambe' te'da na jao manda ntee buntu, te'da too na jao manda kota Yerusalem.

Yahya 5:25

La miingaran kumua, la nadete'mi wattunna, na sitonganna wattunnami tee too, kumua ia to tomate la ssa'ding gamarang-Ku', tee Aku' Anak Allataala, na ia to tossa'dingngi la tuo pole'.

Yahya 5:28

Danggi' mijangngah ssa'dingngi tee, nasaba' la nadete'mi wattunna kumua sininna to tomatemo ssa'ding gamarang-Ku'.

Roma 1:9

Puang Allataala nnissenni kumua kupau too kamu' ke massambajangna'. Na iamo nanii lantuk tongan penawangku' menturu', angkuwa'ding mpangpeissenanni to Kareba Kasalamatan, karebanna Anak Allataala.

Roma 8:15

Ia to Roh Allataala, to nabenki' Puang, te'da napukaunanki', anna te'da takalaja'i. Sibalikanna ia to Roh Allataala mpupenjajiki' anak Allataala, antawa'ding kumua lako Puang: “Ambe', ie' Ambe'ku'!”

Roma 8:26

Na Ia to Roh Allataala ntulungki' ke tangtakullei. Susinna ke te'da taissenni umbo dikua sitonganna massambajang, Ia mangngolo lako Puang Allataala mpeta'danki', mpau sarrota' to tangdiissen la mpaui.

Galatia 4:6

Nasuai Puang Allataala to Roh-Na Anak Allataala torro lan penawammi, sanga napuanakmo kamu'. Na ia to Roh-Na Anak Allataala mpusaba'i tametamba kumua, “Oo, Ambe'ku'!”

Efesus 6:18

Ia ke nnewa kamu' Ballisi', la massambajang tarruh bang kamu' mpeta'da pangtulung-Na Puang Allataala. La massambajang kamu' situru' pangpatujun-Na Roh Allataala. Danggi' mipajaii massambajang. Passambajanganni to sininna umma'-Na Puang Allataala.

Filipi 3:3

nasaba' kita'ra to disanga todisunna' tongan na kita' toora to ssompa Puang Allataala situru' pangpatujun-Na Roh Allataala. Kita'ra to masannang, nasaba' mesa' penawamiki' sola Puang Isa Almaseh, te'da na atoran agama tapattuan mpupenjaji tomeloki'.

Yosua 24:14

Mangkada omi Yosua nakua, “Jaji ia too, ngkalaja' ngkasiri' kamu' PUANG Allataala. Palantukki penawammi mitatta' ssompa-I. Ca'bean ngasanni to tau-tau dewata nasompa tojolota' jio Mesopotamia sambali'na Sa'dan Efrat sola jio tana Mesir tonna anu'. PUANG Allataala manda to wa'ding misompa.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.