Yahya 4:21 - Alkitab Duri

²¹ Nakua Puang Isa ngkuanni, “Ee indo', katappa'ina', la den wattunna ia to tau ssompa Ambe' te'da na jao manda ntee buntu, te'da too na jao manda kota Yerusalem.

Yahya 4:21 ပူးပေါင်းရင်းမြစ်များ

Matius 18:20

Nasaba' umbo-umbo nanii dua tallu taung-Ku' massambajang, la jiona' sola.”

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

Lukas 21:24

Denni to la dipa'dangngi, den tooi to la dijokko nadipali' lako mangrupa-rupa tondok. Na ia to bangsa tangngia to-Yahudi la ssolang-solangngi joo kota Yerusalem angge wattu to napattantu Puang.”

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Yahya 16:32

La nadete'mi wattunna, na sitonganna wattunnami tee too, kumua la dipasisarak-sarak kamu'. Pada la pole kamu' lako bolami, ammisalaina' mesa-mesa. Apa sitonganna te'da kumesa-mesa, sanga den Ambe' kusolan.

Yahya 4:23

Apa nadete'mi wattunna, na wattunnamo tee too to kumua, pangpatuju pole jio mai Roh Allataala lako tau anna te'da nasala ke ssompai Ambe', sanga iamo to susi joo napumasannang.

Yahya 5:25

La miingaran kumua, la nadete'mi wattunna, na sitonganna wattunnami tee too, kumua ia to tomate la ssa'ding gamarang-Ku', tee Aku' Anak Allataala, na ia to tossa'dingngi la tuo pole'.

Yahya 5:28

Danggi' mijangngah ssa'dingngi tee, nasaba' la nadete'mi wattunna kumua sininna to tomatemo ssa'ding gamarang-Ku'.

Jamanna Rasulu' 6:14

Denmo kisa'dingngi mangkada nakua, ‘Ia joo Puang Isa to-Nazaret la naro'pokan tee Bola Puang Allataala, na sininna to ada' tamanah jio mai Nabi Musa la nasullei.’ ”

Efesus 2:18

anna la to-Yahudi, la totang-Yahudi wa'dingngi nasolan Roh Allataala lako Ambe', nasaba' Almaseh.

Efesus 3:14

Suju'na' lako Ambe' massambajang, ke kupikkiri'i joo akkatta-Na sola barakka'-Na Puang Allataala lako kamu' to tangngia to-Yahudi.

1 Timotius 2:8

Ia ke sirempunki' la umbo-umbo tanii, kukadoangngi na ia to muane to massambajang, la nturu' pakkaeloran-Na Puang Allataala, na danggi' naden kamabirisan ba'tu kasisakkan.

1 Petrus 1:17

Ia ke massambajang kamu' lako Puang Allataala mekaambe' kamu'. Iamo joo la mikalaja' mikasiri'i, ke tuo unapa kamu' lan tee lino. Ia toomo Puang to tangmangpasilaenan rra'tah kara-karana tolino situru' panggaukanna.

Pengkitanna Yahya 21:22

Te'da kukita Bola Puang Allataala lan, sanga ia to Puang Allataala to makuasa sola Anak Bembala' na ia bang una Bola Puang Allataala.