Yahya 3:6 - Alkitab Duri

⁶ Ia to tolino najajian padanna tolino nang tolinoi ia, apa ia to katuoan baru ditarima pole jio mai Roh Allataala.

Yahya 3:6 ပူးပေါင်းရင်းမြစ်များ

Yahya 1:13

Ia to todiben kuasa menjaji anak Puang Allataala, te'da nadijajian susi pea, apa Puang Allataala kalena mpupenjaji anakki.

Yahya 3:7

Danggi' mijangngah, ke kukuan kamu', ‘La dijajian pole' kamu'.’

Roma 7:18

Kuissen kumua tangmelo to penawangku', nasaba' moi madoangna' mpugaukki to melona, te'da kukullei mpugaukki.

Roma 7:25

Kurru sumanga' lako Puang Allataala! Iamo lla'paranna', nasaba' Puangta' Puang Isa Almaseh!

Roma 7:5

Ia tonna jolona tuo bangpiki' situru' penawa gaja'ta', sanga nakuasaiki' kamadoangan mpugauk kagajatan to napaden atoran agama. Iamo pole' joo tapugauk bang tangmelo, to mpaden kamatean.

Roma 8:13

Ia ke taturu'i to kamadoangan penawanta', la mateki'. Apa ia ke taeloranni to Roh Allataala ntulungki' nca'beanni to panggaukan gaja'ta', la tuo meloki' te'da cappa'na.

1 Korintus 6:17

Apa ia to tompangmesa' kalena lako Puang, memmesa' penawa tooi sola Puang.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Galatia 5:24

Na ia to taun-Na Puang Isa Almaseh mangkami naca'bean to kamadoangan gaja'na.

Efesus 2:3

Ia joo wattu susimiki' tuu lako tau sola ngasan. Nturu' bangki' kamadoangan penawanta', antapugauk bangngi to gaja'na la mpesannangngi penawanta'. Iamo joo sipato' kumua nakagalliki' Puang Allataala anna la mpabalahhiki' susi tolaen.

Kolose 2:11

Wa'ding dipau kumua mangkamo kamu' disunna', nasaba' memmesa' penawamo kamu' sola Almaseh. Te'da nasunna' kamu' tau, apa iara to penawammi nasunna' Almaseh. Battuananna mangkami Almaseh lla'paran kamu' jio mai sipa' jolomi.

1 Yahya 3:9

Ia to tonapuanakmo Puang Allataala, te'damo napugauk tarruh dosa, nasaba' sipa'-Na Puang Allataala torro lan penawanna. Te'damo napugauk tarruh dosa, nasaba' napuanakmi Puang Allataala.