Yahya 3:5 - Alkitab Duri

⁵ Napebalii Puang Isa nakua, “Ingaranni! Ia ke te'da nadijajian pole' to tau jio mai wai sola Roh Allataala, te'da nawa'ding menjaji umma'-Na Puang Allataala lan kaparentan-Na.

Yahya 3:5 ပူးပေါင်းရင်းမြစ်များ

Matius 18:3

Nakua, “La miingaran tee kadang-Ku' kumua, ia ke te'da mipatorro sipa' jolomi, ammisusi pea, te'da milamenjaji umma'-Na Puang Allataala.

Matius 19:24

La mikatappa'i kumua, la'bih marawa ia to unta mentama to'tok jarun, na ia to tosugih mentama Lino Barun-Na Puang Allataala.”

Matius 21:31

Jaji, umbonnara joo to sile'to sola duai to nturu' kadanna ambe'na?” Mebalimi tuu lako kapala imang sola pekaamberan to-Yahudi nakua, “Ia to kakanna.” Nakuamo Puang Isa, “La miissen kumua ia to passassung sola tuu lako baine sala kedo la la'bih marawa menjaji umma'-Na Puang Allataala na kamu'.

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

Matius 3:11

Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

Matius 5:20

Iamo joo, la miingaran kumua, te'da milangkullei menjaji umma'-Na Puang Allataala, ke te'da mila'bih nturu' pakkaeloran-Na Puang Allataala na ia to guru agama sola to-Farisi.”

Markus 10:14

Ia tonna kitai Puang Isa to ianna joo, magallimi anna kuanni to anak gurun-Na, “Eloranni tuu mati' pea ratu lako Aku'. Danggi' mianggaii, nasaba' tosusimora tuu mati' to la menjaji umma'-Na Puang Allataala.

Markus 16:16

Ia to tongkatappa'ii na dijio', la salama', nasaba' te'damo nadireken to salana, apa ia to tote'da nakatappa'ii la nasessa Puang Allataala.

Markus 9:47

Ia ke matammu ntumangko mumadosa, cukke'ii! La'biran ke menjaji tangsukku'ko, apa menjajiko umma'-Na Puang Allataala, na ia ke sukku'i to kalemu apa dipatamako naraka.

Lukas 13:24

“Ia to tau dipasalama' wa'ding dipasirapang tomentama ba'ba si'pi'. Iamo joo pengkulle-kullei mentama nnola ba'ba si'pi', nasaba' buda tau mpengkullei mentama apa te'da nakullei.

Lukas 13:3

Te'da lalo ia! Apa la miingaranni, ia ke te'da mimengkatoba' jio mai dosami, pada la mate too kamu'.

Lukas 13:5

Te'da lalo ia! Apa la miingaranni, ia ke te'da mimengkatoba' jio mai dosami, pada la masolang too kamu'.”

Yahya 1:13

Ia to todiben kuasa menjaji anak Puang Allataala, te'da nadijajian susi pea, apa Puang Allataala kalena mpupenjaji anakki.

Yahya 3:3

Napebalii Puang Isa nakua, “Ingaranni! Moi mesa' tau te'da nawa'ding menjaji umma'-Na Puang Allataala lan kaparentan-Na, ke te'dai nadijajian pole'.”

Yahya 3:4

Nakua Nikodemus ngkuanni, “Umbo susi to tau la dijajian pole' ke matuami? Wa'dingraka pole pole' tama ba'tangna indona, anna dijajian pole'?”

Jamanna Rasulu' 2:38

Napebalii Petrus nakua, “Mengkatoba' kamu' jio mai dosami, ammipada mpangben kalemi dijio' mpau sangan-Na Puang Isa Almaseh anna dampangan kamu' Puang Allataala, naben too kamu' Roh Allataala.

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

Roma 14:17

Ia ke Puang Allataala ngkuasai to katuoanna tau, tangngia dikandena ba'tu diiso'na to parallu, apa iara to kasikalinoan pole' Puang Allataala, mpugauk pakkaeloran-Na, na kamasannangan to nabenni Roh Allataala.

Roma 8:2

nasaba' kuasan-Na Roh Allataala mangka lla'paranki' jio mai kuasa dosa sola kuasa kamatean. Ia to Roh Allataala mangka mbenki' katuoan baru sola Puang Isa Almaseh.

1 Korintus 15:50

Ee, tomala'bihku' sola ngasan! Ia to kusanga, iamo to kumua, ia tee batang kaleta' to la mate naburuk, te'da nakullei mentama Lino Barun-Na Puang Allataala, sanga te'da nakullei torro jio to te'da nanii kamatean.

1 Korintus 2:12

Te'da nabenki' Puang Allataala cara mangpikkiri' susi tolino, apa Roh Allataalara nabenki', dikua antaissen ngasanni to apa mangka nabenki'.

1 Korintus 6:11

Ba'tu pira-pira tau lan tangnga-tangngami massipa' susi joo tonna jolona. Apa ia tee too, ia to Puang Isa Almaseh sola Roh Allataala to pole jio mai Puangta' Puang Allataala mangka lla'paran kamu' jio mai kuasa dosa, na mpupenjaji tau mesan-Na kamu' Puang Allataala, sola napupenjaji tomelo kamu'.

Galatia 6:15

Nasaba' todisunna' ba'tu totangdisunna' pada te'da naparallu, apa ia to parallu iamo to katuoan baru.

Efesus 5:26

Susimi joo napatorro leko' kamu' Almaseh ammimenjaji tau mesan-Na. Nadampangan kamu' mpake wai pangjioran sola pangngajah-Na.

1 Petrus 1:2

Napileimo kamu' Ambe' Puang Allataala susi to pura napattantu jolona. Roh Allataalamo mpupenjaji kamu' tau mesan-Na, ammimengkaturu' lako Puang Isa Almaseh to ndampangan kamu' mpake rara-Na. Dennaa upa' naben kamu' Puang Allataala sabuda-budanna barakka' sola kamasannangan.

1 Petrus 3:21

Na ia joo kajajian dipasangrapangngi pangjioran to mipusalama' tee too. Ia joo pangjioran tangngia mesa' cara mbasei batang kale danggi' nacarepa, apa ia to pangjioran mesa' peta'da lako Puang Allataala na la'paran kamu' jio mai kasalan. Napasalama' kamu', sanga mangkami tuo pole' Puang Isa Almaseh jio mai kamatean.

1 Yahya 2:29

Miissenmo kumua, ia to Almaseh nturu' pakkaeloran-Na Puang Allataala. Iamo joo la parallu too miissen kumua ia to tonturu' pakkaeloran-Na, napuanak Puang Allataala.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.