Yahya 3:27 - Alkitab Duri

²⁷ Mebalimi Nabi Yahya nakua, “Moi mesa' apa te'da naampui tau, ke te'da na Puang Allataala mbenni jao mai suruga.

Yahya 3:27 ပူးပေါင်းရင်းမြစ်များ

Amos 7:15

Apa Nasuana' PUANG Allataala mpajaii joo jamangku' mangrewa bembala', Nasuana' male mpau pepasan-Na lako umma'-Na, to-Israel.

Matius 21:25

Indara mbenni kuasa Nabi Yahya njio' tau? Puang Allataalaraka iarika tolino?” Sipangkada-kadami nakua, “Ia antamebali kumua, ‘Kuasa pole jio mai Puang Allataala’, la nakuanki', ‘Ciapai na te'da mikatappa'ii to pangngajahna Nabi Yahya?’

Matius 25:15

Pada diben doi' nadangkanganni situru' pakullena. Den to diben lima talenta, den to diben dua talenta, na ia to laenna diben mesa' talenta, namane' male sompa.

Markus 13:34

Ia joo wa'ding dipasangrapang mesa' tau ssalai bolana la male sompa'. Ia tonna te'dapa namale, pada napabarakkanni jaman to kaunanna. Ia to tomangjaga ba'ba napangngingaran, anna mangjaga melo.

Yahya 10:41

Ratu omi to tobuda lako Puang Isa. Nakua, “Te'da napugauk tanda mejangngaran Nabi Yahya, apa tongan ngasan to napau mpaui tee tau.”

Yahya 6:65

Nakua Puang Isa, “Iamo joo mangkamo kamu' kukuan, ‘Moi mesa' tau te'da nakullei ratu lako Aku', ke te'da napuelohhi Ambe'-Ku'.’ ”

Roma 1:5

Nabenna' barakka' Puang Allataala menjaji rasulu' nasaba' Puang Isa Almaseh, angkuwa'ding la mpatuju sininna bangsa kumua namatappa' sola menturu' lako Almaseh.

Roma 12:6

Pada nabenmiki' Puang Allataala mangrupa-rupa barakka' situru' kameloan penawan-Na. Iamo joo la tapake meloi to barakka' dibenki'. Ia ke barakka' mpau pepasan jio mai Puang Allataala dipatujuanki', la tapugauk situru' kamatapparanta'.

1 Korintus 1:1

Ee, tomala'bihku' sola ngasan, tomatappa' lako Puang Allataala jio kota Korintus, to napilei Puang Allataala menjaji umma'-Na, to napatorro leko' Puang Isa Almaseh jio mai to totangnturu' Puang, sola sininna to tossompa Puangta' Puang Isa Almaseh umbo-umbo nanii! Iamo Puangta' sola ngasan. Aku' Paulus sola padanta' tomatappa' Sostenes ngkiringan kamu' tee sura'. Napileina' Puang Allataala situru' pakkaeloran-Na menjaji rasulu'-Na Puang Isa Almaseh.

1 Korintus 12:11

Mesa'ra ia joo Roh Allataala to mpangben ngasanni joo. Pada naben barakka'-Na to tau, situru' pakkaeloran-Na.

1 Korintus 15:10

Apa barakka'-Nara Puang Allataala, angkumenjaji susi tee too. Na te'da natorro sala joo barakka'-Na lako aku', sanga la'bih bo'jo'pa' aku' mangjama na ia tuu mati' rasulu' laen. Apa sitonganna tangngia aku' to mangjama, apa barakka'-Na Puang Allataala to mpamawatangna' mangjama.

1 Korintus 3:5

Sitonganna, ia joo Apolos na ia tee aku' Paulus pada tompangjamanrakan Puang Allataala, to mpatuju kamu' mimatappa' lako Almaseh. Pada kipugauk unamira kami' to nasuankan Puang.

1 Korintus 4:7

Te'da kamu' matande na ia to tolaen. Sininna to apa miampui mitarima jio ngasan mai Puang Allataala. Jaji, ciapari mimatampo susi to misangai kumua sininna to apa miampui te'da napole jio mai Puang Allataala!

Galatia 1:1

Ia tee sura' pole jio mai aku', Paulus, sola padanta' tomatappa' to kusolan, kikiring lako jamaa jio tana Galatia. Ia tee aku' mesa' rasulu' tangngia napilei tolino, tangngia too nasua tolino, apa nasuana' Puang Isa Almaseh sola Ambe' Puang Allataala, to mangka mpatuo Puang Isa jio mai kamatean.

Efesus 1:1

Ee, tomala'bihku' sola ngasan, tomatappa' na tonturu' Puang Isa Almaseh jio kota Efesus! Ia tee sura' pole jio mai aku' Paulus, rasulu'-Na Puang Isa Almaseh situru' pakkaeloran-Na Puang Allataala.

1 Timotius 2:7

Na iamo joo naangka'na' Puang Allataala menjaji rasulu' angkudisua male lako sininna bangsa tangngia to-Yahudi la mpangpangngajaranni to kamatapparan tongan. Na tongan tee kupau, te'da kumangnguraga.

Yakub 1:17

Sininna to apa melo na te'da caccana pole jao mai suruga, nabenki' Puang Allataala, to mpaden allo, bulan sola bintuin jao langi'. Te'da natibalik to sipa'-Na Puang Allataala na tatta' too to akkatta-Na.