Yahya 3:21 - Alkitab Duri

²¹ Apa ia to tompugauk pakkaeloran-Na Puang Allataala, ratu ia lako arrang, anna menjaji manassa to kumua ia to panggaukanna situru'mo pakkaeloran-Na Puang Allataala.”

Yahya 3:21 ပူးပေါင်းရင်းမြစ်များ

Yahya 1:47

Malemi Natanael lako Puang Isa. Ia tonna kitami Puang Isa to Natanael nakuamo mpaui, “Inde'mi to tomassipa' to-Israel tongan, te'da lalo pangnguraga lan kalena!”

Yahya 3:20

Ia to tompugauk panggaukan gaja' nakaba'ci to arrang. Iamo nate'da naratu jio to nanii arrang, nakua nate'da nakitai tau to panggaukan gaja'na.

Yahya 5:39

Mpelajahhi kamu' issinna Sura' Allataala, nasaba' misangai kumua iamo joo mipugauk ammiampa' katuoan melo te'da cappa'na. Na moi Sura' Allataala, Aku' bang una to napau,

Yahya 7:17

Ia ke den tau madoang nturu' pakkaeloran-Na Puang Allataala, la naissen kumua pole umbora tee pangngajaran-Ku'. La naissen kumua pole jioraka mai Puang Allataala, iarika pangngajaran-Ku' Aku'.

1 Korintus 15:10

Apa barakka'-Nara Puang Allataala, angkumenjaji susi tee too. Na te'da natorro sala joo barakka'-Na lako aku', sanga la'bih bo'jo'pa' aku' mangjama na ia tuu mati' rasulu' laen. Apa sitonganna tangngia aku' to mangjama, apa barakka'-Na Puang Allataala to mpamawatangna' mangjama.

2 Korintus 1:12

Kipumario, sanga kiissen lan penawangki', kumua maruruh na te'da caccana to panggaukanki', to padamokan masainna lan tee lino, la'bi-la'bipa lako kamu', natuli situru' pakkaeloran-Na Puang Allataala. Te'da napatujukan kapaissenan tolino, apa barakka'-Nara Puang Allataala to nabenkan.

Galatia 6:8

sanga ia to tonturu' bang kamadoangan penawanna, la llolongan kasaburan. Na ia to tonturu' pangpatujun-Na Roh Allataala, la nnampa' katuoan melo te'da cappa'na.

Efesus 5:9

Panggaukan melo, maruruh na tongan pole jio ngasan mai Puang.

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

Filipi 2:13

Puang Allataala mpupembalik penawammi ammimadoang, mikulle tooi mpugaukki to pakkaeloran-Na.

Kolose 1:29

Iara joo kupengkulle-kullei mpugaukki, mpake sininna kuasa to nabenna' Almaseh to mangjama lan kaleku'.

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

1 Yahya 1:6

Ia ke takua kumua mesa' penawamiki' sola Puang Allataala, apa te'da tatuo situru' pakkaeloran-Na, manassa mangnguragaki' sanga te'da taturu' pangngajaran tongan.

3 Yahya 1:11

Ee, tokupakamoja'! Danggi' muturu'i to apa tangmelo, apa iara to melona. Ia to tompugaukki to melona, taun-Na ia Puang Allataala. Apa ia to tompugaukki to tangmelona, to tangnnissenpa ia Puang Allataala.

Pengkitanna Yahya 3:15

Iamo tee pepasan-Ku': Kuissen to apa mipugauk. Tangmalussu tangmacakke' kamu'. Sitonganna melo ke malussu pissen kamu' iarika macakke' pissen kamu'.