Yahya 3:19 - Alkitab Duri

¹⁹ Iamo tee dinii mpasalai to tolino kumua ratumo tama lino to arrang nnarrangngi, iamo to Anak, apa la'bih nakabudai to kamalillinan, iamo to kagajatan, nasaba' gaja'i to panggaukanna.

Yahya 3:19 ပူးပေါင်းရင်းမြစ်များ

Kada Bulawan 2:13

to ssalai lalan maruruh, nannola lako lalan kamalillinan,

Lukas 12:47

Ia to kaunan naissen apa to nakabudai puangna, apa te'da namajaga sola te'da napugaukki, iamo na la dipemoncongngi.

Lukas 16:14

Den to-Farisi ssa'dingngi apa to napau Puang Isa, napetawai-tawaii, nasaba' gaja pangdoi' ngasanni.

Yahya 1:4

Iamo garonto'na katuoan, na ia toomo Arrang nnarrangngi penawanna tolino.

Yahya 1:5

Ia joo Arrang mangngarrang lan kamalillinan, na ia to totuo lan kamalillinan te'da nakullei mpahangngi.

Yahya 12:31

Nadete'mi wattunna la dira'tah kara-karana tolino. Ia tee too la dica'beanmo lako salean to Ballisi' to ngkuasaii tee lino.

Yahya 12:43

La'bih nakabudai to kadipujian pole jio mai tolino, na ia to kadipujian pole jio mai Puang Allataala.

Yahya 12:46

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

Yahya 5:44

Umbo la mikua matappa' lako Aku', ke nnangahra kamu' kadipujian jio mai padammi tolino, na te'da miangahhi to kadipujian pole jio mai Puang Allataala te'da susinna.

Yahya 7:17

Ia ke den tau madoang nturu' pakkaeloran-Na Puang Allataala, la naissen kumua pole umbora tee pangngajaran-Ku'. La naissen kumua pole jioraka mai Puang Allataala, iarika pangngajaran-Ku' Aku'.

Yahya 7:7

Te'da apa napusaba' tee tolino la ngkaba'ci kamu'. Apa ia ke Aku' nakaba'cimo', nasaba' tuli kukuanni kumua gaja' panggaukanna.

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Yahya 9:5

Padana' masainna lan lino, Aku'mo arrangna tolino.”

Roma 1:32

Nnissen parenta-Na Puang Allataala kumua ia to tomanggauk susi joo sipato' la dibuno. Apa moi nasusi joo, da'tan bangngi mpugauk kagajatan, nakabudai too ke napugaukki tau laen susi to napugauk.

Roma 2:8

Apa ia to tompangnginawan mesa bang kalena, na te'da namadoang mpugauk pakkaeloran-Na Puang Allataala, na nturu'ra kagajatan, liwa' nakaba'cinna Puang Allataala.

2 Tesalonika 2:12

Napugaukki Puang Allataala susi joo, dikua na sininna tongkabudai mpugauk dosa, na cia' ngkatappa'i pangngajaran tongan, la disessa.

1 Petrus 2:8

Na “Iamo joo batu nanii titodo tau na buda tau nalolinan.” Titodoi tuu lako tau, nasaba' cia'i ngkatappa'ii to kadan-Na Puang Allataala. Susimi joo to pura napattantu Puang Allataala lako kalena.

2 Petrus 3:3

Ia to kaminang parallu la miissen, iamo to kumua, ia ke la Kiama'mi lino, den tau ratu to nturu' bang kamadoangan gaja'na. La nacapa'-capa' kamu',