Yahya 3:16 - Alkitab Duri

¹⁶ Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Yahya 3:16 ပူးပေါင်းရင်းမြစ်များ

Matius 9:13

Te'da kuratu la ntulung tossanga kalena tomelo, apa ratura' ntulung tomadosa, anna mengkatoba'. Pelajahhii apa battuananna tee kadan-Na Puang Allataala lan Sura' Allataala, ‘Kamamaseanra lako padammi rupa tau to kuangah, tangngia karoba olok-olok.’ ”

Markus 12:6

Indapa to la nasua tee too? Mesa'mora, ia mandamo to anak gaja napakamoja'. Jaji, mangkatampakanna, anakkanami nasua male la nnalanni to tawana. Mangkadai lan penawanna nakua, ‘La nakasiri' ia to anakkaku'.’

Lukas 2:14

“Pakala'bih Puang Allataala to makuasa jao suruga! Sikalino to tolino to napumasannang!”

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

Yahya 1:29

Masawanna malemi Puang Isa lako Nabi Yahya. Ia tonna kitai Nabi Yahya to Puang Isa mangkadami nakua, “Iamo joo Anak Bembala'-Na Puang Allataala ratu la ndampangan tolino.

Yahya 10:28

Angkubenni katuoan melo te'da cappa'na, na te'da tarruhmo namasolang. Moi mesa' tau te'da ngkullei rrampai jio mai Aku'.

Yahya 3:15

anna ia to tomatappa' lako Aku', la nnampa' katuoan melo te'da cappa'na.

Yahya 3:18

Ia to ngkatappa'ii, te'da naladisessa, apa ia to tote'da namatappa', la dipabalahhi to dosana, nasaba' te'da nakatappa'ii to Anak tungga'-Na Puang Allataala.

Yahya 3:36

Na ia to tomatappa' lako Anak, la nnampa' katuoan melo te'da cappa'na. Apa ia to tote'da naturu'i to pakkaeloran-Na Anak, te'da nalannampa' katuoan melo, apa la nasessa tarruh Puang Allataala.

Yahya 6:40

Na pakkaeloran-Na too, to kumua ia to tonnissenmi kumua Aku'mo Anak Allataala nakatappa'ina', la ntarima katuoan melo te'da cappa'na, na la kupatuo pole' ke Kiama'mi lino.”

Roma 5:10

Ia tonna jolona siewaliki' Puang Allataala. Moi nasusi joo, dipasikalino pole'miki' Puang Allataala, sanga kamatean-Na Anak. Apa pole'raka tee too, ke sikalino pole'miki' Puang Allataala, tantumo la dipasalama'miki', nasaba' katuoan-Na Almaseh.

Roma 5:8

Apa napakitanmiki' Puang Allataala to pangpakamoja'-Na, nasaba' ia tonna taloi unapiki' kuasa dosa, matei to Almaseh mpangngewanki'.

Roma 8:32

Na ia to Puang Allataala te'da napangnganggai to Anak mperasai parri', kannori napangben menjaji karoba lako kita' sola ngasan. Umbora nakua tanglambenki' to laenna?

Efesus 2:4

Apa mamase na mangpakamoja' to Puang Allataala te'da susinna.

2 Tesalonika 2:16

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na.

Titus 3:4

Apa Puang Allataala, Tomangpasalama'ta', mpakitanki' pangpakamoja'-Na sola kameloan penawan-Na.

Ibrani 2:9

Apa takitamo to Puang Isa to mangka dipamajiong cingga'tu' na ia to malaeka', kumua dipupenjajimo tomala'bih na todikasiri', tonna mangkamo mperasai parri' ratu lako mate-Na. Napattantui Puang Allataala kumua la mate to Puang Isa ssullei to sininna tolino, sanga kameloan penawan-Na.

1 Yahya 3:1

Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.

1 Yahya 4:19

Mangpakamoja'ki', nasaba' napakamoja'ki' Puang Allataala.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.