Yahya 3:14 - Alkitab Duri

¹⁴ Susi Nabi Musa tonna palakoi kaju to ulah tambaga napamajaoi jio padang pallawangan tonna anu', susi toda Aku' Anak Mentolino, la dipamajaona',

Yahya 3:14 ပူးပေါင်းရင်းမြစ်များ

Matius 26:54

Apa ianna susi joo, umbo nakua la jaji to mangka jolomo diuki' lan Sura' Allataala kumua, te'da nawa'ding tanglajaji to apa la jaji tee too?”

Matius 8:20

Mebalimi nakua, “Cinggallun den ia lo'ko'na, sola manuk-manuk den ia serangna, apa ia tee Aku', Anak Mentolino, te'da ngenan kunii mamma'.”

Lukas 24:20

Mangka dipangngolo lako kapala imang sola pekaamberanta' anna dipampang namate jao kaju sitamben.

Yahya 18:32

(Susimi ia joo anna jaji to kadan-Na Puang Isa mpaui to carana la mate.)

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Yahya 8:28

Iamo joo nakua pole' Puang Isa ngkuanni, “Ia ke mipampangmo' jao kaju sitamben tee Aku', Anak Mentolino, mane'ra kamu' nnissenni kumua, Aku'mo tee to disanga ‘DENNA'’. Mane' toori miissen kumua, te'da kupugaukki to apa situru' pakkaeloran-Ku', apa ia manda to naajaranna' Ambe'-Ku'.

Jamanna Rasulu' 2:23

Mangkamo napangben Puang Allataala lako kalemi ammipangpebunoanni lako togaja' napampangngi. Apa sitonganna ia joo situru'mo akkatta-Na Puang Allataala mellao jiona mai.