Yahya 3:11 - Alkitab Duri

¹¹ Katappa'i, kipau to apa kiissen sola kipangpeissenan to apa kikitamo, apa te'da mitarimai.

Yahya 3:11 ပူးပေါင်းရင်းမြစ်များ

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Matius 23:37

Mangkadai Puang Isa nakua, “Ee, to-Yerusalem! Tombuno kamu' nabi! Mirura batui to tonasua Puang Allataala ratu lako kalemi, sanggenna mate. Ba'tu pempiranmo' madoang rrempun kamu', susi indo manuk rrempun anakkana jiong pani'na, apa te'da mimadoang!

Lukas 10:22

Nakuapa Puang Isa, “Sininna apa naben ngasanmo' Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.”

Yahya 1:11

Mentamai tondokko-Na, apa cia'i to sangtondokko-Na ntarimai.

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

Yahya 12:49

Nasaba' tangngia pakkaeloran-Ku' kumangkada, apa ia to kupau, iamo to naparentanna' Ambe' to ssuana'.

Yahya 14:24

Ia to tote'da napakamoja'na', te'da naturu'i to pangngajah-Ku'. Ia joo pangngajaran misa'ding, te'da napole jio mai Aku', apa pole jio mai Ambe' to ssuana'.

Yahya 3:12

Ia una to apa lan lino kupau na te'da mikatappa'ii, ia pole'raka ke apa jao suruga milangkatappa'ii!

Yahya 3:13

Na moi mesa' tau te'dapa ia endek de' suruga, apa mane' Aku'ra tee, Anak Mentolino, to pole jaomo mai.

Yahya 3:3

Napebalii Puang Isa nakua, “Ingaranni! Moi mesa' tau te'da nawa'ding menjaji umma'-Na Puang Allataala lan kaparentan-Na, ke te'dai nadijajian pole'.”

Yahya 3:5

Napebalii Puang Isa nakua, “Ingaranni! Ia ke te'da nadijajian pole' to tau jio mai wai sola Roh Allataala, te'da nawa'ding menjaji umma'-Na Puang Allataala lan kaparentan-Na.

Yahya 5:43

Ratuna' napakuasa Ambe'-Ku', apa cia' kamu' ntarimana'. Apa mitarima ke den tau laen ratu mpukuasa kuasanna.

Yahya 7:16

Mebalimi Puang Isa nakua, “Ia tee pangngajaran kuajaran kamu', pangngajaran pole jio mai Puang Allataala to ssuana', tangngia pangngajaran-Ku'.

Yahya 8:14

Mebalimi nakua, “Moi kusa'bii kale-Ku', tongan to kadang-Ku', nasaba' kuissen to kunii ratu, kuissen too to la kunii male. Nate'da miissenni to kunii ratu, ba'tu la kunii male.

Yahya 8:26

Budapa to wa'ding la kupau mpasala kamu', apa te'da kupugaukki. Apa ia to tossuana', wa'ding dikatappa'i, na ia to apa kusa'ding jio mai kale-Na, ia toomo kupau lako kamu' tolino.”

Yahya 8:38

Ia to apa kukita jio Ambe'-Ku', iamo kupauan kamu'. Na ia todamo mipugauk to naajaran kamu' ambe'mi.”

Jamanna Rasulu' 22:18

angkukita Puang nakuanna', ‘Madoi'ko ssalai kota Yerusalem, nasaba' ia to tau inde' cia'i ntarimai ke mupangpeissenanna'.’

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Pengkitanna Yahya 3:14

Nasuana' nakua, “Uki'i susi tee lako malaeka'na jamaa jio kota Laodikia: Ia tee pepasan pole jio mai Aku' to disanga Amin, todikatappa'i, sa'bi maruruh na tongan, garonto'na sininna to apa napaden Puang Allataala.