Yahya 21:7 - Alkitab Duri

⁷ Ia to anak guru napakamoja' Puang Isa ngkuan Petrus, “Puang joo!” Ia tonna sa'dingngi Simon Petrus, ta'pa mpakei bajunna sanga te'da namebaju, namella'bu do' tasik.

Yahya 21:7 ပူးပေါင်းရင်းမြစ်များ

Markus 11:3

Ia ke denni tau ngkutanai kamu' kumua, ciapari mibukaii, la mikua, ‘Naparallui Puang na madoi' una la napapole.’ ”

Lukas 12:35

Mangngajahhimi Puang Isa nakua, “Majaga kamu' ammituli ntajanni to karatuan-Ku'. Massa'wak rampa' kamu', mipadukku bangngi to palitammi.

Lukas 2:11

Ia tee allo jajimi to Tomangpasalama'mi jio kotana Raja Daud. Iamo Almaseh, Puang.

Lukas 7:47

La miingaran kumua, liwa' pangpakamoja'na, nasaba' didampanganmo ia, moi nabuda dosa napugauk! Ia to toci'di'ra dosana didampangan, la ci'di' toora pangpakamoja'na.”

Yahya 13:23

Na ia to anak gurun-Na Puang Isa, to liwa' napakamoja', cumadokko jio sa'de-Na.

Yahya 19:26

Ia tonna kitai Puang Isa to indo-Na ke'deh jio sola to anak gurun-Na napakamoja', mangkadami lako indo-Na nakua, “Oo indo', iamo tuu anakkami.”

Yahya 20:2

Ta'pa kinjara'mi male nnangah Simon Petrus sola to anak gurun-Na to napakamoja' Puang Isa, napauanni kumua, “Mangkai naala tau to Puang lan mai liang, na te'da kiissenni umbo napanii.”

Yahya 20:20

Ia tonna mangka mangkada susi joo, mpangpekitanmi liman-Na sola sa'de-Na. Gaja sannangngi sola ngasan ngkita Puang.

Yahya 20:28

Nakua Tomas lako Puang Isa, “Oo Puangku'! Oo Puang Allataala to kusompa!”

Yahya 21:20

Ia tonna messaile Petrus lako boko'na, nakitai jio to solana anak guru to napakamoja' Puang Isa. Iamo to cumadokko ngkandoppi' Puang Isa tonna kumande, namekutana kumua, “Oo Puang, indara ia to la mpangpejokkoanki'?”

Yahya 21:24

Iamo tee to anak gurun-Na mpangpeissenanni to sininna tee kajajian, na ia toomo mangka nnuki'i. Na taissen kumua tongan ngasan to apa napau.

Yahya 21:8

Ia to anak gurun-Na pira' undimi manglopi lako gantanan, narui' bangngi joo jalana ponno bale, nasaba' te'da namambela jio mai gantanan, denra agi-agi saratuh metere'.

Jamanna Rasulu' 10:36

Ia tee kareba napangpeissenan Puang Allataala lako kami' to-Yahudi kumua ia to tolino wa'ding sikalino pole' sola Puang Allataala ke matappa'i lako Puang Isa Almaseh, nasaba' iamo Puangna sininna tau.

Jamanna Rasulu' 2:36

Mpatarruh omi kadanna Petrus nakua, “Iamo joo naparallu kamu' to-Israel nnissen tonganni kumua ia to Puang Isa mangka mipampang, Iamo napilei Puang Allataala menjaji Puang na menjaji too Raja Mangpasalama'.”

1 Korintus 15:47

Ia to pamula Adam digaraga jio mai litak, na ia to cappa' Adam pole jao mai suruga.

2 Korintus 5:14

Napamasumanga'kan pangpakamoja'-Na Almaseh, sanga kiissen kumua ia ke mesa' tau mpumate sininna tau, pada to kumua sininna tau mate ngasanmi.

Yakub 2:1

Ee, tomala'bihku' sola ngasan, tomatappa' lako Puang Isa Almaseh, Puang mala'bih! Danggi' mipasilaenan tau.