Yahya 21:25 - Alkitab Duri

²⁵ Budapa laenna to napugauk Puang Isa. Na ia ke la diuki' simesa'-mesa'i, kusanga ia to sura' dinii nnuki'i te'da nalasiagi tee lino.

Yahya 21:25 ပူးပေါင်းရင်းမြစ်များ

Amos 7:10

Den kapala imang jio kota Betel disanga Amazia, ngkiring pepasan lako Yerobeam, rajana to-Israel, susi tee, “Ia to Amos la mangngattai mesa' penawa sola tobuda la nnewaki', la nnancuru' kaparentanta'.

Matius 11:5

Pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuomo to tomate, na dipangpeissenanmo to Kareba Kasalamatan lako tomakario-rio.

Matius 19:24

La mikatappa'i kumua, la'bih marawa ia to unta mentama to'tok jarun, na ia to tosugih mentama Lino Barun-Na Puang Allataala.”

Markus 5:16

Ia joo tomangrewa, to ngkita kalenai to apa jaji lako joo tonatamai setang sola ia tuu lako bai, ncuritanni to apa mangka jaji.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 20:35

Budamo to kupakitan kamu' la miala palelean mata kumua sila'da'ki' mangjama ntulung to totangpakulle. La miingaran to apa mangka napau Puang Isa nakua, ‘La'bih masannang ia to mangpabengan na ia to mangtarima.’ ”

Ibrani 11:32

Kusangai te'damo naparallu kupatarruh. Te'da wattungku' la mpaui to Gideon, Barak, Simson, Yefta, Raja Daud, Nabi Samuel na sininna nabi.