Yahya 20:31 - Alkitab Duri

³¹ Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Yahya 20:31 ပူးပေါင်းရင်းမြစ်များ

Matius 16:16

Mebalimi Petrus nakua, “Kita'mo Raja Mangpasalama', Anak to pole jio mai Puang Allataala to tuo te'da cappa'na.”

Matius 27:54

Ia to komandan surudadu sola solana to nnampai Puang Isa, silajatan tonganni tonna sa'dingngi to nino sola nakitai to apa jaji, namangkada nakua, “Tonganna, Ia tee tau Anak Allataala.”

Matius 4:3

Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”

Markus 16:16

Ia to tongkatappa'ii na dijio', la salama', nasaba' te'damo nadireken to salana, apa ia to tote'da nakatappa'ii la nasessa Puang Allataala.

Lukas 1:35

Mebalimi joo malaeka' nakua, “Roh Allataala la rratuiko na kuasan-Na Puang Allataala la torro ssolanko. Iamo joo namala'bih joo pea la jaji nadisanga Anak Allataala.

Lukas 1:4

Iamo kupugaukki susi joo, dikua antaissenni kumua, tongan to apa mangka tasa'ding.

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 10:10

Ia to taboko raturi ia la boko, la pabuno na makkasolang. Apa ia tee Aku' ratuna' la mben katuoan tolino anna tuo tangkakurangan.

Yahya 19:35

Ia to tongkitai joo apa jaji, iamo ncuritai, ammimatappa' toda. Na tongan joo kadanna, na naissen kumua tongan to napau.

Yahya 20:28

Nakua Tomas lako Puang Isa, “Oo Puangku'! Oo Puang Allataala to kusompa!”

Yahya 3:18

Ia to ngkatappa'ii, te'da naladisessa, apa ia to tote'da namatappa', la dipabalahhi to dosana, nasaba' te'da nakatappa'ii to Anak tungga'-Na Puang Allataala.

Yahya 3:36

Na ia to tomatappa' lako Anak, la nnampa' katuoan melo te'da cappa'na. Apa ia to tote'da naturu'i to pakkaeloran-Na Anak, te'da nalannampa' katuoan melo, apa la nasessa tarruh Puang Allataala.

Yahya 5:24

La miingaran tee kadang-Ku' kumua, ia to tompesa'dingngi to kadang-Ku', namatappa' lako to tossuana', iamo tonnampui katuoan melo te'da cappa'na. Te'damo ia naladisessa. La'pahmi jio mai kamatean, anna nnampa' katuoan melo te'da cappa'na.

Yahya 6:40

Na pakkaeloran-Na too, to kumua ia to tonnissenmi kumua Aku'mo Anak Allataala nakatappa'ina', la ntarima katuoan melo te'da cappa'na, na la kupatuo pole' ke Kiama'mi lino.”

Jamanna Rasulu' 10:43

Sininna nabi mpangpeissenanni kumua ia to tongkatappa'i Puang Isa la didampangan, nasaba' kuasan-Na Ia Puang Isa.”

Jamanna Rasulu' 3:16

Iamo mpalumingkai nasaba' kamatapparannamora lako Puang Isa, anna kuasan-Na mpemawatangngi pole'i to ajena tee tau miissen jolona kupi'. Ia joo kamatapparan mpamalekei jio olomi sola ngasan.

Jamanna Rasulu' 8:36

Mpatarruhhi kalingkanna na dete' wai, nakua, “Inde'mi to wai, denparaka halanganna ke dijio'na'?” [

Jamanna Rasulu' 8:37

Napebalii Filipus nakua, “Wa'dingmiki' dijio', ke lantuk tongan penawanta' ngkatappa'i Puang Isa.” Nakua mebali, “Kukatappa'i kumua Anak Allataala to Puang Isa Almaseh.”]

Jamanna Rasulu' 9:20

Tarruh bang unami llelei bola passambajangan to-Yahudi mpangpeissenanni kumua Anak Allataala to Puang Isa.

1 Petrus 1:9

Masannangmo kamu', sanga napasalama'mo kamu' Puang Allataala, nasaba' matappa' kamu' lako Puang Isa Almaseh.

1 Yahya 4:15

Inda-inda to nnakuii kumua Anak Allataala to Puang Isa, ia to Puang Allataala da'tan mesa' penawa sola joo tau, na ia da'tan mesa' penawa sola Puang Allataala.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

2 Yahya 1:9

Ia to tocia' ngkatappa'i pangngajaran-Na Almaseh apa nakabudairi to pangngajaran laen, te'da ia namesa' penawa sola Puang Allataala. Apa ia to toda'tan nturu' pangngajaran-Na Almaseh, mesa' penawa ia sola Ambe' na Anak.

Pengkitanna Yahya 2:18

Nasuana' nakua, “Uki'i susi tee lako malaeka'na jamaa jio kota Tiatira: Ia tee pepasan pole jio mai Aku', Anak Allataala, to dukku matang-Ku' susi api na cumbia' aje-Ku' susi tambaga disa'po. Iamo tee pepasan-Ku':