Yahya 20:29 - Alkitab Duri

²⁹ Apa nakua Puang Isa ngkuanni, “Matappa'moko tee too, nasaba' mukitamo'. Masannang to tomatappa', moi te'da nakitana'!”

Yahya 20:29 ပူးပေါင်းရင်းမြစ်များ

Matius 13:16

Nakuamo Puang Isa lako anak gurun-Na, “Jaji, masannang kamu', nasaba' mipahangngi to apa misa'ding sola mikita.

Lukas 1:45

Masannangko iko, nasaba' mukatappa'i kumua la jaji to apa napauanko Puang Allataala.”

Yahya 20:28

Nakua Tomas lako Puang Isa, “Oo Puangku'! Oo Puang Allataala to kusompa!”

Yahya 20:8

Ia to anak guru laen, to jolo ratu, mentama todai ngkitai, namatappa'.

Yahya 4:48

Nakua Puang Isa ngkuanni joo tomangparenta, “Ia ke te'da mikita tanda mejangngaran, te'da mimatappa'.”

2 Korintus 5:7

Nasaba' ia ke tuo unapiki' lan tee lino, kamatapparanra lako Puang Isa mpatujuki', tangngia apa nakita mata.

Ibrani 11:1

Ia to tau matappa' lako Puang Allataala, naissen tongan kumua la naben Puang Allataala to apa narannuan. Moi te'dapa nakitai matanna, nakanassai kumua la jajii.

Ibrani 11:27

Nasalaii Nabi Musa to tana Mesir tangmalaja' nakabirih Raja Mesir, sanga matappa'i. Sabbara'i maparri', sanga susi to nakitamo to Puang Allataala to tangkakitanan.

Ibrani 11:39

Mangka napangpeissenan Puang Allataala kumua sininna to tau susi joo napumasannang, sanga matappa'i. Apa moi nasusi joo, te'dapa natarimai to apa nabasseanni Puang Allataala,

1 Petrus 1:8

Moi na te'dapa mikitai to Puang Isa Almaseh tonna anu', apa mipakamoja'i. Na moi tee too te'da too mikitai, apa matappa' kamu' lako kale-Na. Iamo joo ammimario mperasaii to kamasannangan te'da susinna.