Yahya 20:28 - Alkitab Duri

²⁸ Nakua Tomas lako Puang Isa, “Oo Puangku'! Oo Puang Allataala to kusompa!”

Yahya 20:28 ပူးပေါင်းရင်းမြစ်များ

Matius 14:33

Nasuju'mi anak gurun-Na to Puang Isa. Namangkada nakua, “Kita'mo Anak Allataala.”

Lukas 24:52

Suju'mi to anak gurun-Na ssompai, namane' pole lako kota Yerusalem masannang ngasan,

Yahya 1:1

Mammula jiona mai tonna te'dapa napadenni Puang Allataala tee lino, denmo todisanga Kada. Ia joo Kada solai Puang Allataala, na ia joo Kada, Ia bang una Puang Allataala.

Yahya 20:16

Mangkadai Puang Isa nakua, “Oo Maryam!” Messaile Maryam lako Puang Isa, namangkada lan basa Ibrani nakua, “Rabuni” (battuananna guru).

Yahya 20:27

Namane' ngkuanni to Tomas, “Kitai limang-Ku'! Panteei tuu jarimmu, muulohhi tuu limammu, mukaka'i tee sa'de-Ku'. Danggi' mubata unapa, apa matappa'moko!”

Yahya 20:29

Apa nakua Puang Isa ngkuanni, “Matappa'moko tee too, nasaba' mukitamo'. Masannang to tomatappa', moi te'da nakitana'!”

Yahya 20:31

Ia ngasan tee diuki', ammimatappa' kumua Raja Mangpasalama' na Anak Allataala to Puang Isa, ammiampa' katuoan melo te'da cappa'na, sanga matappa' kamu'.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”