Yahya 20:22 - Alkitab Duri

²² Namane' mpupessue penawan-Na lako anak gurun-Na nakua, “Tarimai to Roh Allataala.

Yahya 20:22 ပူးပေါင်းရင်းမြစ်များ

Yahya 14:16

La meta'dana' lako Ambe', naparatuan kamu' tomangpakatana, iamo to Roh Allataala, to la torro tarruhmo ssolan kamu'. Iamo la mpamanassan kamu' to pangngajaran tongan. Ia to tote'da namatappa', te'da nakullei ntarimai, nasaba' te'da nakitai na te'da too naissenni. Apa ia to kamu' miissen, sanga nasolan kamu', nalatorro lan penawammi.

Yahya 15:26

La kusua lako kalemi to tomangpakatana pole jio mai Ambe'. Iamo to Roh Allataala to la mpamanassai to pangngajaran tongan. Ia ke ratui, Ia mpangpeissenanna'.

Yahya 16:7

Tongan tee kupauan kamu' kumua, ‘La'bih den bua'na lako kamu' ke polena'’, sanga ia ke la te'dai kupole, te'da nalaratu joo tomangpakatana. Apa ia ke polena', la kusuai ratu lako kalemi.

Yahya 20:21

Nadadu' pole'i Puang Isa mangkada nakua, “Salama' kamu', mimasannang. Susi Ambe' ssuana', susi toomi Aku' ssua kamu'.”

Yahya 20:23

Ia ke midampanganni to tau, nadampangan todai Puang Allataala. Na ia ke te'da midampanganni, te'da toda nadampanganni Puang Allataala.”

Yahya 7:39

(Ia to nasanga wai katuoan, iamo to Roh Allataala, to la natarima tomatappa' lako kale-Na. Ia joo wattu ia to Roh Allataala te'dapa nadipangben, nasaba' te'dapa nadiangka' to Puang Isa de' suruga.)

Jamanna Rasulu' 10:47

“Kitari tee mai tau, susi kita' diben toomi Roh Allataala. Jaji te'da nawa'ding nahalangngi tau ke dijio'i wai.”

Jamanna Rasulu' 19:2

Nakutanaimi nakua, “Ee, todipusile'to! Denmoraka Roh Allataala mitarima tommimatappa' lako Puang Isa?” Napebalii nakua, “Te'dapa. Te'da toopa naden kisa'ding kumua den pale' Roh Allataala.”

Jamanna Rasulu' 2:38

Napebalii Petrus nakua, “Mengkatoba' kamu' jio mai dosami, ammipada mpangben kalemi dijio' mpau sangan-Na Puang Isa Almaseh anna dampangan kamu' Puang Allataala, naben too kamu' Roh Allataala.

Jamanna Rasulu' 2:4

Nakuasai ngasanmi Roh Allataala namangkada mpake mangrupa-rupa basa to silaen-laenan. Pada mangpaui situru' apa to napatujuanni Roh Allataala la napau.

Jamanna Rasulu' 4:8

Kuasan-Na Roh Allataala, namebali Petrus nakua, “Ie', kita' pekaamberan agama sola pekaamberan to-Yahudi!

Jamanna Rasulu' 8:15

Ia tonna ratumo sola dua, napassambajanganni dikua anna tarima Roh Allataala,

Galatia 3:2

Ia mandara tee kupangngingaranan kamu' kumua, te'da mitarima Roh Allataala, sanga mpugauk kamu' atoran agama, apa iara to ssa'ding kamu' Kareba Kasalamatan jio mai Puang Allataala, ammimatappa' lako Puang Isa Almaseh.