Yahya 20:19 - Alkitab Duri

¹⁹ Ia tonna bongimo, allo Aha' ia bang unamo joo, nasirempun to anak gurun-Na Puang Isa lan bola dilacak, nasaba' malaja'i lako pekaamberan to-Yahudi. Ta'pa ratui Puang Isa ke'deh lan tangnga-tangngana, namangkada nakua, “Salama' kamu', mimasannang!”

Yahya 20:19 ပူးပေါင်းရင်းမြစ်များ

Matius 10:13

Ia ke natarima melo kamu' joo ampu bola, ia joo pangbarakka'mi la torroi lan joo bola. Apa ia ke te'da natarima melo kamu', ake'mo na pole pole' joo pangbarakka'mi lako kalemi.

Matius 18:20

Nasaba' umbo-umbo nanii dua tallu taung-Ku' massambajang, la jiona' sola.”

Markus 16:14

Mangkatampakanna mpangpekitanmi kalena Puang Isa lako sangpulo mesa anak gurun-Na, tonna kumande. Nacaccai Puang Isa, nasaba' kamembattukan penawanna nacia' ngkatappa'i curitanna to tongkitami kumua tuo pole'mi Ia.

Yahya 14:27

Kupatorroan kamu' to la mipumasannang, iamo to kamasannangan pole jio mai Aku'. Ia joo kamasannangan kuben kamu' te'da nasusi to naben kamu' tolino. Danggi' mimausa' ba'tu malaja'.

Yahya 16:22

Susi toomo kamu'. Masussa penawammi tee too, apa la kusiamparan pole' kamu', ammimemmasannang. Na moi mesa' tau te'da ngkullei nnalai kamu' joo kamasannanganmi.

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Yahya 20:21

Nadadu' pole'i Puang Isa mangkada nakua, “Salama' kamu', mimasannang. Susi Ambe' ssuana', susi toomi Aku' ssua kamu'.”

Yahya 20:26

Sangminggu mangkanna joo, sirempun pole' omi to anak gurun-Na ntuu joo bola, najio todai Tomas. Dilacak ngasanni to ba'ba, apa ta'pa ratui Puang Isa, nake'deh lan tangnga-tangngana. Namangkada nakua, “Salama' kamu', mimasannang.”

Yahya 21:1

Mangkai joo too mpangpekitan pole' omi kalena Puang Isa lako anak gurun-Na jio randan Tasik Tiberias. Susi tee jajinna:

Yahya 21:14

Iamo tee mangpentallunna Puang Isa mpangpekitan kalena lako anak gurun-Na mangkanna tuo pole' jio mai kamatean.

Yahya 7:13

Apa te'da tau barani mpaui to tonganna, sanga malaja'i lako pekaamberan to-Yahudi.

Roma 15:33

Dennaa upa' na Puang Allataala, to mpangben kamasannangan, nnampai kamu' sola ngasan. Amin.

1 Korintus 15:5

Kupaissenan toomo kamu' kumua, ia tonna dipatuo pole'mo mpangpekitanmi kalena lako Petrus, namane' lako anak guru laen-Na.

Efesus 2:14

Napasikalinomi Almaseh to to-Yahudi sola bangsa tangngia to-Yahudi. Ia to kamatean-Na mpamesa'ki'. Iamo mangka nta'dei to tasialla'i jolona, iamo to kasiewalian.

Efesus 6:23

Dennaa upa' na Ambe'ta' Puang Allataala sola Puang Isa Almaseh mpupenjaji sininna taun-Na masannang, sipakamoja', sola da'tan matappa' lako Almaseh.

Filipi 1:2

Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

2 Tesalonika 3:16

Pole jio mai Puang Isa to kamasannanganta'. Dennaa upa' na Puang Isa da'tan mben kamu' sininna kamasannangan, naampai tarruh kamu' sola ngasan.

Ibrani 7:2

Nabenni Nabi Ibrahim tawa sangpulona sininna to apa narampa. (Ia to imang Melkisedek disanga “Raja Kamarurusan”, sanga ia to kada melkisedek battuananna raja kamarurusan. Disanga tooi “Raja Kasikalinoan”, sanga rajai jio kota Salem, na salem battuananna kasikalinoan.)

3 Yahya 1:14

Ia ke naeloranna' Puang la madoi'na' ssikitanko tasipangkada-kada.

Pengkitanna Yahya 1:4

Tomala'bihku' sola ngasan jio pitu jamaa inde' propinsi Asia! Dennaa upa' nabarakka'i kamu' Puang Allataala to den tee too, denmo tonna jolona, na den tarruh too, sola pitu roh jio olona cadokkoan mala'bih-Na Puang Allataala, na Puang Isa Almaseh, anna ben kamu' kamasannangan sola ngasan.