Yahya 2:19 - Alkitab Duri

¹⁹ Napebalii Puang Isa nakua, “Ro'pokanni tee Bola Puang Allataala, na tallung allora kunii mpake'deh pole'i.”

Yahya 2:19 ပူးပေါင်းရင်းမြစ်များ

Matius 12:40

Susi Nabi Yunus torro lan ba'tang bale tallung allo tallung bongi, susi toomi la jaji lako tee Aku', Anak Mentolino, la torrona' lan lamunan tallung allo tallung bongi.

Matius 16:21

Ia joo wattu napamulami Puang Isa mpauanni to anak gurun-Na kumua, “La malena' de' kota Yerusalem, anna pamaparri'na' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Matius 27:40

nakua, “Ee, Ikomo to la rro'pokan Bola Puang Allataala, na tallung allora la munii ngkabua' pole'i! Ia ke tongannako Anak Allataala, pasalama'ko kalemu ammumellao jao mai ntuu kaju sitamben.”

Matius 27:63

nameta'da nakua, “Tabe' kita', kiingaranpa to kadan-Na joo tomangpalao sala tonna tuopa nakua, ianna allo mangpentallunnamo, la tuo pole', ade', jio mai kamatean.

Markus 14:58

“Denmo kisa'dingngi tee tau nakua, ‘La kuro'pokan tee Bola Puang Allataala pangkabua' tolino, na tallung allora kunii mpake'dehhi to laenna, to tangngia pangkabua' tolino.’ ”

Markus 15:29

Ia to tau liu lalan ntuu jio, pada mangroge kollong ncapa'-capa' Puang Isa nakua, “Ee, Ikomo to la rro'pokan Bola Puang Allataala, na tallung allora la munii ngkabua' pole'i!

Markus 8:31

Ia tonna mangkamo joo, napamulami Puang Isa nnajahhi anak gurun-Na nakua, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Yahya 11:25

Nakua Puang Isa, “Aku'mo mpangben katuoan sola mpatuo pole' tomate. Ia to tomatappa' lako Aku', la tuo pole', moi namatemo.

Yahya 5:19

Napebalii Puang Isa joo pekaamberan to-Yahudi nakua, “La miingaran tee kadang-Ku' kumua, ia tee Aku' Anak Allataala, te'da kuwa'ding mpugauk apa situru' pakkaeloran-Ku', ke te'da na Ambe'-Ku' kukita mpugaukki. Sanga apa to napugauk Ambe'-Ku', ia todamo kupugauk.

Jamanna Rasulu' 2:24

Apa napatuo pole'mi Puang Allataala jio mai kamatean. Nala'paranmo Puang Allataala, moi naamma'i kamatean, sanga te'da lalo nakullei to kamatean la ntaloi tarruhhi.

Jamanna Rasulu' 2:32

Ia joo Puang Isa iamora napatuo pole' Puang Allataala jio mai kamatean. Na iamora joo to mangka kikita kipangpeissenanni sola ngasan.

Jamanna Rasulu' 3:15

Mangka mipangpebunoan, nasitonganna Iamo garonto'na katuoanna sininna tau. Apa napatuo pole'mi Puang Allataala jio mai kamatean, na kiissen kumua tongan joo, nasaba' kikita kami'.

Jamanna Rasulu' 3:26

Iamo joo napatuo pole'i Puang Allataala to Puang Isa, kaunan-Na, nasuai male lako kamu' jolo', dikua nabarakka'i kamu', napupengkatoba' kamu', ammipada mpatorroi to panggaukan gaja'mi.”

Jamanna Rasulu' 6:14

Denmo kisa'dingngi mangkada nakua, ‘Ia joo Puang Isa to-Nazaret la naro'pokan tee Bola Puang Allataala, na sininna to ada' tamanah jio mai Nabi Musa la nasullei.’ ”

Roma 4:24

apa dipatuju lako too kaleta'. Napupenjaji tomelo tooki' Puang Allataala, ke matappa'ki' lako Puang Allataala to mangka mpatuo Puangta' Puang Isa jio mai kamatean.

Roma 8:11

Ia to Roh Allataala mangka mpatuo Almaseh jio mai kamatean. Ia ke Roh Allataala tuo lan kalemi, Ia toomo la mpatuo kamu'.

1 Korintus 15:12

Ia ke kipangpeissenanmi kumua dipatuo pole'mi to Almaseh jio mai kamatean-Na, matumbai naden tau lan tangnga-tangngami kumua, te'damo naladipatuo pole' to tomate?

Kolose 2:12

Nasaba' ia tommidijio', susi kamu' tomate, midilamun sola Almaseh ammidipatuo pole' too sola Almaseh, nasaba' matappa' kamu' lako kuasan-Na Puang Allataala to mangka mpatuo pole' Almaseh jio mai kamatean.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.