Yahya 2:13 - Alkitab Duri

¹³ Ia joo wattu madoi'mo nadete' pangrameanna to-Yahudi disanga Allo Paskah, namale Puang Isa de' kota Yerusalem.

Yahya 2:13 ပူးပေါင်းရင်းမြစ်များ

Matius 21:12

Mentamami rante Bola Puang Allataala to Puang Isa naula'ii to tomangbaluk sola tomangngalli lan. Nabalittua' simesa'i to meja nanii tompasitongka doi' sola cadokkoan pangbaluk jangan-jangan.

Markus 11:15

Ia tonna ratumo sola anak gurun-Na de' kota Yerusalem, mentamami rante Bola Puang Allataala to Puang Isa, naula'ii to tomangbaluk sola tomangngalli lan. Nabalittua' simesa'i to meja nanii tompasitongka doi' sola cadokkoan pangbaluk jangan-jangan.

Lukas 19:45

Mangkai joo too, mentamami rante Bola Puang Allataala to Puang Isa, naula'ii to tomangbaluk lan.

Lukas 2:41

Taun oi, tuli male tomatuan-Na Puang Isa de' kota Yerusalem la mangrame-rame Allo Paskah.

Yahya 11:55

Na ia joo wattu madoi'mo to pangrameanna to-Yahudi disanga pangramean Paskah. Na buda tau jio mai kampong malemo de' kota Yerusalem mpemaceroi kalena situru' atoran agamanna, namane' wa'ding mang-Paskah.

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 2:23

Jao unapi kota Yerusalem Puang Isa tonna pangramean Paskah, na buda tau matappa' lako kale-Na, sanga nakitai to tanda mejangngaran napugauk.

Yahya 5:1

Mangkai joo too, den pangrameanna to-Yahudi, namale Puang Isa de' kota Yerusalem.

Yahya 6:4

Ia joo wattu madoi'mo nadete' to pangrameanna to-Yahudi disanga pangramean Paskah.