Yahya 2:10 - Alkitab Duri

¹⁰ nakuanni, “Ia to tau napangngolo ia jolo' to anggoro' kaminang melo. Ia ke mangkami to tau mperasaii to melona, mane'ri to biasanna. Apa ia to kita' tee, taanna to melona, ratu lako cappa'na pangmaroasan.”

Yahya 2:10 ပူးပေါင်းရင်းမြစ်များ

Matius 24:49

‘Masaipa namane' pole to puangku'’, nabunomi to padanna kaunan, namangmaroah-roah too sola topangngiso'.

Lukas 12:45

Apa macilakai joo kaunan ke mangkadai lan penawanna kumua, ‘Masaipa namane' pole to puangku'’, nabunomi to padanna kaunan, la muane la baine, namangmaroah-roah, sanggenna malango.

Lukas 16:25

Apa nakua Nabi Ibrahim, ‘Ee, anakku'! Ingaranni, mangkamoko llolongan tawa melomu tommutuo unapa. Susi todami Lazarus mangkami llolonganni to maparri'na. Apa ia tee too dipakatanami ia ntee, na iko omo llolonganni to maparri'na.

Jamanna Rasulu' 2:15

Te'da namalango tee tau susi to passanganmi, sanga mane' tatte' kasera tuka' allo.

1 Korintus 11:21

Sanga ianna wattu kumandemo, pada massialamo kamu' nnalan mesa kalemi, anna denmo kamu' to soso ammiden to malango.

Efesus 5:18

Danggi' mimalango nasaba' ia mpaden panggaukan gaja', apa eloranni to Roh Allataala ngkuasai kamu'.

1 Tesalonika 5:7

Nasaba' ia ke bongi wattu kamammasanna tau, na wattu bongi too nanii malango tau.

Pengkitanna Yahya 17:2

Iamo tee baine nasigaukan sala buda raja, na ia to tau lan lino malango nniso' anggoro' kedo gaja'na.”

Pengkitanna Yahya 17:6

Angkukitai joo baine nalango rarana umma'-Na Puang Allataala sola rarana to tomangka nabuno, nasaba' ngkatappa'i Puang Isa. Ia tongkukitai joo baine jangngahna'.