Yahya 19:6 - Alkitab Duri

⁶ Simetamba-tambanni to kapala imang sola to pangjagana Bola Puang Allataala tonna kitami to Puang Isa nakua, “Pampangngi! Pampangngi!” Nakua Gubernur Pilatus, “Alami mipampangngi, sanga te'da lalo kasalan-Na kuampa'.”

Yahya 19:6 ပူးပေါင်းရင်းမြစ်များ

Matius 26:58

Naturu'i mambela-bela bangngi Petrus to Puang Isa, ratu lako rante bolana Imang Lompo. Mentamami rante bola to Petrus na cumadokko sola pangjaga. Madoangngi la nnissenni, apara to la jaji undinna.

Matius 27:22

Nakuamo, “Ia ke susii joo, na la kupatumbai joo Puang Isa to disanga Almaseh?” Metambami tuu lako tobuda nakua, “Pampangngi Ia.”

Matius 27:24

Ia tonna kitai Gubernur Pilatus kumua te'damo nalampesa'dingngii tau, na la maricumi, nnalami wai nabasei limanna jio olona tobuda namangkada nakua, “Te'da kupuissenni to kamateanna joo tau! Issenmi kamu' sola ngasan.”

Lukas 23:4

Nakua Gubernur Pilatus lako kapala imang sola lako tobuda, “Moi mesa' kasalan napugauk lako tomangparenta te'da kuampa' to sipato'na kunii la ntarungkui.”

Yahya 18:3

Iamo joo, namale Yudas lako ntuu jio ssolan surudadu to-Roma sola ba'tu pira-pira pangjagana Bola Puang Allataala, to nasua kapala imang na to-Farisi. Mbawai pangbuno sola palita na sulo.

Yahya 18:31

Nakua Gubernur Pilatus ngkuanni, “Alai mati' na kamu' rra'tahhi situru' ada'mi!” Apa nakua to to-Yahudi mebali, “Te'da kiwa'ding mbuno tau.”

Yahya 18:38

Mekutana pole'i Gubernur Pilatus nakua, “Apara joo musanga katonganan?” Mangkai joo too messun pole' omi Gubernur Pilatus, namangkada lako to-Yahudi nakua, “Moi mesa' kasalan-Na te'da kuampa'.

Yahya 19:15

Simetamba-tambanni nakua, “Bunoi, bunoi, pampangngi!” Nakutanaii Gubernur Pilatus nakua, “Madoangra kamu'ka ke aku' mpangpepampangan Rajami?” Mebalimi to kapala imang nakua, “Mesa-mesanna Tomaraja Roma rajaki'!”

Yahya 19:4

Mangkai joo too, messun unapi Gubernur Pilatus namangkada lako tobuda nakua, “Kitai! La kupangngoloi lako kamu', ammiissenni kumua moi mesa' kasalan-Na te'da kuampa'.”

Jamanna Rasulu' 2:23

Mangkamo napangben Puang Allataala lako kalemi ammipangpebunoanni lako togaja' napampangngi. Apa sitonganna ia joo situru'mo akkatta-Na Puang Allataala mellao jiona mai.

Jamanna Rasulu' 7:52

Denraka to nabi tangnasessa? Buda nabi nasua Puang Allataala tonna anu' mpaui to karatuanna Tomalampu'-Na apa nabunoi tojolomi. Na mangten tooki' too allo tapangpejokkoanni antapangpebunoanni.