Yahya 19:5 - Alkitab Duri

⁵ Messunmi Puang Isa mpake mahkota duri sola baju malando makudara'. Nakua Gubernur Pilatus ngkuan tobuda, “Kitari tuu tau!”

Yahya 19:5 ပူးပေါင်းရင်းမြစ်များ

Matius 27:29

Napasongko'i mahkota, to ringe keduri dikabua', napatoei tekken to lima kanan-Na. Namengguntu' jio olo-Na nacapa'-capa'i nakua, “Salama' Raja to-Yahudi!”

Yahya 1:29

Masawanna malemi Puang Isa lako Nabi Yahya. Ia tonna kitai Nabi Yahya to Puang Isa mangkadami nakua, “Iamo joo Anak Bembala'-Na Puang Allataala ratu la ndampangan tolino.

Yahya 19:2

Ia to surudadu mpasongko'i mahkota, to ringe keduri dikabua'. Mangkai joo too, napapakeimi baju lando makudara',

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.